Дүүргийн Иргэдийн төлөөлөгчдийн хурлаас 2013 оныг “Хурлын байгууллагын ажилд иргэдийн оролцоог нэмэгдүүлэх жил” болсонтой холбогдуулан 32 хороо тус бүрт нэн тэргүүнд хийгдэх хөрөнгө оруулалт, бүтээн байгуулалтын саналыг иргэдээс шууд авах ажлыг шуурхай зохион байгуулах талаар Иргэдийн Нийтийн Хурлын дарга нартай ярилцаж чиглэл өглөө.
“ Хороо хөгжүүлэх сан”-д иргэн таны санал, оролцоо сэдэвт 7 хоногийн аяныг 02.18- наас 25-г дуустал явуулна. Санал асуулгыг иргэдээс тусгай битүүмжилсэн хайрцагаар авч нэгтгэн хамгийн олон санал авсан ажлуудыг эрэмбэлэн хорооны ИНХ-аар хэлэлцүүлж шийдвэр гарган Хурлын ажлын албанд танилцуулснаар саналыг санхүүжүүлэх ажлыг хороодод шууд шийдвэрлэн өгөхөөр болсон юм.
Нийт 4,1 тэрбум төгрөгийн төсөвөөр чухам ямар ажлуудыг нэн түрүүн хийх нь иргэн таны саналаас шалтгаална.