ЭРХЭМ ЗОРИЛГО

Монгол Улсын Засаг захиргаа, нутаг дэвсгэрийн нэгж, түүний удирдлагын тухай хууль болон бусад хууль, тогтоол шийдвэрийн хэрэгжилтийг ханган, төрийн үйлчилгээг иргэдэд түргэн шуурхай, ил тод хүргэх, иргэдийн ая тухтай амьдрах нөхцөлийг бүрдүүлэхийг эрхэм зорилгоо болгон ажиллаж байна.

 

ЭРХЭМ ЗОРИЛТ

Бид иргэдийнхээ сайн сайхны төлөө тэдний амьдралын чанарыг байнга дээшлүүлэх боломжоор хангаж, хоггүй цэвэр орчныг бүрдүүлэн,  хороогоо хөгжүүлэхийн төлөө ажиллана.

 

Тус хороо нь 2010 оны Нийслэлийн Иргэдийн Төлөөлөгчдийн Хурлын 6/48 дугаар тогтоолоор 12,13,14-р  хороодоос тасарч,  тухайн үед 2602 өрхийн 10027 хүн амтай байгуулагдсан.
2018 оны байдлаар 3739 өрхийн 12601 хүн амтай, 271 га газар нутагтай байсан бөгөөд Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 4 дүгээр зүйлийн 4.2 дахь хэсэг, 25.1 дэх хэсгийг үндэслэн иргэдэд төрийн үйлчилгээг шуурхай хүргэх нөхцөлийг бүрдүүлэх зорилгоор өрх, хүн амын тоо, газар нутгийн хэмжээг харгалзан 2019 оны Нийслэлийн Иргэдийн Төлөөлөгчдийн Хурлын 25\21 дүгээр тогтоолоор 31 дүгээр хороо хуваагдаж, Алтай хэсэг шинээр 43 дугаар хороо болон зохион байгуулагдаж, 8 сарын 1 ний өдрөөс төрийн үйлчилгээг иргэдэд хүргэж эхэлсэн.

 

2019 оны 8 сарын байдлаар тус хороо нь 1668 өрхийн 6617 хүн амд төрийн анхан шатны үйлчилгээг үзүүлж байна.
Хорооны ИНХ-ын даргаар А.Дашсүрэн, Засаг даргаар Г.Бадамцэцэг, зохион байгуулагчаар Ч.Болормаа, хөдөлмөр эрхлэлт, халамжийн асуудал хариуцсан мэргэжилтэнээр Ч.Цэрэнпилжээ, иргэний танхимын ажилтанаар Ч.Нямсайхан,  хэсгийн байцаагчаар Т.Баясгалан, цагдаагаар С.Нямбаяр, ахмадын зөвлөлийн даргаар Х.Хуягболд, үйлчлэгчээр Г.Зултуяа, сахиулаар Л.Аварзэд, хог орлого, тохижилт хариуцсан олон нийтийн байцаагчаар Б.Отгонцэцэг, хэсгийн ахлагчаар Б.Сувдаа, Ё.Солонго, Ч.Азжаргал, Ч.Туяагэрэл, Э.Энхболор, Г.Лхагвабаяр, Л.Эрдэнэтуяа, М.Бямбасүрэн нар тус тус ажиллаж, иргэдэд төрийн анхан шатны үйлчилгээг хүргэж байна.  

 

Хороо байгуулагдсанаас хойш буюу 2011 оноос хойш хорооны ИНХ-ын даргаар Ч.Дорж, Д.Идэрзаяа, А.Дашсүрэн,  Засаг даргаар Г.Бадамцэцэг, хорооны зохион байгуулагчаар Т.Пүрэвдулам, О.Янжинлхам, Ц.Доржцэдэв, Д.Соёлоо, Б.Ганчимэг, О.Баярсүрэн, Б.Цэнгүүн, Б.Отгонцэцэг, Б.Мөнхтуул, Ч.Болормаа, нийгмийн ажилтанаар Я.Ууганцэцэг, Б.Нацагдорж, Б.Түмэнжаргал, Д.Баярбат, И.Оюунсувд,   улсын бүртгэгчээр Р.Чинбат, н.Янжиндулам, хөдөлмөр эрхлэлт, халамжийн асуудал хариуцсан мэргэжилтэнээр Ч.Цэрэнпилжээ, Б.Батзаяа, Б.Мөнхзаяа, Д.Баярмаа, П.Мөнхбаяр, М.Ариунаа, Ж.Оюунцэцэг, хэсгийн байцаагчаар н.Цогтоо,  Б.Батмэнд, н.Бүрэнжаргал, Б.Мэндбаяр, н.Ууганбаяр, Б.Баясгалан, цагдаагаар н.Баянбүргэд, С.Нямбаяр,  иргэний танхимын ажилтанаар Н.Баярсайхан, Ч.Нямсайхан, хэсгийн байцаагчаар, цагдаагаар ахмадын зөвлөлийн даргаар Д.Үржинханд, Х.Хуягболд, үйлчлэгчээр Г.Зултуяа, сахиулаар П.Дамдин, Д.Болдбаяр, Л.Аварзэд, хог орлого, тохижилт хариуцсан олон нийтийн байцаагчаар Б.Отгонцэцэг, хэсгийн ахлагчаар Б.Зоригтбаатар, Ц.Цагаанчулуун, Ж.Ачилдаа, Г.Зултуяа, Ц.Оюунгэрэл, Д.Үржинханд, Б.Янжив, Д.Оюун, Б.Намжилсүрэн, А.Дашсүрэн, Д.Булган, Л.Гэрэл, Ц.Галхүү, Ч.Солонго, Ч.Туяагэрэл, З.Сосорбарам, Х.Хуягболд, Н.Дайриймаа, Ж.Чимгээ, Л.Эрдэнэтуяа, Д.Сарантуяа, Б.Сувдаа, Г.Лхагвабаяр, С.Бямбасүрэн, Ч.Азжаргал,  Н.Алтансувд, Г.Отгонцэцэг, С.Энхтуяа, Т.Дашчимэг, Д.Ганболор, Э.Энхболор нар тус тус ажиллаж байсан байна.

 

Хорооны нутаг дэвсгэрт 176-р цэцэрлэг, “Шилэн хийц” ХХК, “УЦУЭША” болон худалдаа үйлчилгээний чиглэлийн 24 аж ахуй нэгж байгууллага үйл ажиллагаа явуулдаг.  

 

Хороо байгуулагдсанаас хойш хорооны нутаг дэвсгэрт хийгдсэн бүтээн байгуулалтын ажлуудаас товч дурьдвал: 
Нийслэл, дүүрэг болон Орон нутгийн хөгжлийн сангийн хөрөнгөөр хороо, өрхийн эрүүл мэндийн төв, цагдаагийн цогцолбор барилга, Алтай, Хайрхан гудамжинд хатуу хучилттай аспалтан зам, Алтай, Хайрхан, Дунд наран гудамжинд гэрэлтүүлэг, сагсан бөмбөгийн талбай, “Шилэн хийц” ХХК-ны зүүн талд явган хүний гүүр, Налуу гудамжинд явган хүний гүүр, Алтай гудамжинд явган хүний шат, Хайрхан 2-р гудамжинд явган шат, Алтай Хайрхан, Дунднаран гудамжинд нийт 6 усан сан, нийтийн эзэмшлийн 26 цэгт хяналтын камер,  ашиглалтанд оруулсанаас гадна Иргэний танхим, чийрэгжүүлэлтийн танхимыг иж бүрэн тохижуулж,  “Өнө-Ачит” өрхийн эрүүл мэндийн төвд анхан шатны тусламжийн багц худалдан авч өгөх, хорооны цогцолбор барилгын суурийн хүчитгэл хийх зэрэг ажлуудыг хийж гүйцэтгэлээ.

 

УИХ-ын гишүүн Ц.Гарамжавын хөрөнгө оруулалтаар Алтай 3-р гудамжинд байрлах ашиглагдахгүй байсан ахуй үйлчилгээний барилгыг цэцэрлэг болгон өөрчилж,  120 хүүхэд хүлээн авч, 18 иргэнийг ажлын байраар ханган ажиллаж байна. 

 

Мөн 20.000 айлыг цахилгаанаар хангах Дэд өртөө, 108 тулгуур, 10 гаруй дэд станцыг ашиглалтанд оруулж, цахилгааны хүчдэлийг сайжруулж, 150 гэрэлтүүлгийг нэмэж суурилуулсан.
Хайрхан 4-р гудамжны 136 тоотоос 176-р цэцэрлэг хүртэл 1.4 км, Дорнод туг уул дэлгүүрээс 645-р худаг хүртэлх 1.6 км, Алтай 2-р гудамжны 80 тоотоос Хилчин хотхон хүртэлх 0.2 км хатуу хучилттай авто замыг тус тус ашиглалтанд оруулж, Дунднаран гудамжинд үерийн далан шинээр байгуулсан.

 

Мөн 320 хүүхдийн хүчин чадалтай бага сургууль, 250 хүүхдийн хүчин чадалтай цэцэрлэгийн газрыг чөлөөлүүлж,  барилгын ажил эхлээд байна..
Нийслэлийн Иргэдийн Төлөөлөгчдийн Хурлын төлөөлөгч С.Мөнхчулууны дэмжлэгээр нийслэлийн хөрөнгө оруулалтаар Гэмтэл согог судлалын үндэсний төвөөс 30, 31-р хороог холбох  1,8 км авто замыг шинээр барьж ашиглалтанд орууллаа.

 

Мөн Дунднаран 6-13-р гудамжинд 94 ширхэг, Алтай гудамжинд 74,  “Ногоон технологитой хороо” төслийн хүрээнд Алтай 3 дугаар гудамжинд 38 ширхэг эко гэрэлтүүлэг, нийт 206 гэрэлтүүлгийг шинээр суурилуулж,  харанхуй гудамжнуудыг гэрэлтүүлэн,  иргэдийн аюулгүй зорчих боломжийг бүрдүүлэн ажиллаж байгаагаас гадна иргэдэд ундны усны хүртээмжийг нэмэгдүүлэх зорилгоор 2 усан санг шинээр байгуулж, ашиглалтанд оруулсан. Мөн Гэмтлийн харалдаа Стандарт дэлгүүрийн зүүн талд автобусны буудал байгуулж, 176-р цэцэрлэгийн гэр бүлгийг өргөтгөж, 50 хүүхдийн хүчин чадалтай өргөтгөлийг ашиглалтанд оруулсан.
Агаарын бохирдолыг бууруулах ажлын хүрээнд зарласан “Ногоон технологитой хороо” төслийн хүрээнд 10 өрхөд Нано технологийн халаалтын төхөөрөмж, бойлуурыг суурьлуулж, “Цэвэр агаар төсөл”-тэй хамтран 12 өрхийн байшинг дулаалах зэрэг ажлуудыг хийж гүйцэтгэлээ.

 

Мөн хорооны урд талбайд сагсан бөмбөг бөмбөгийн талбайг засварлаж, хүүхдийн тоглоомын талбай шинээр суурилуулж, хорооруу  өгсөх 700 м зам дагуу явган хүний зам тавиулж, ашиглалтанд оруулаад байна.  

 

Хорооны бүтэц бүрэлдэхүүний мэдээллийг эндээс үзнэ үү.