Сонгинохайрхан дүүргийн Засаг даргын Тамгын газрын Хууль, эрх зүйн хэлтэс, дүүргийн Прокурорын газартай хамтран Засаг даргын эрхлэх асуудлын хүрээний харьяа 21 байгууллагын дунд “Прокурор төр, нийтийн ашиг сонирхлыг хамгаалах нь” сэдэвт хэлэлцүүлгийг 2024 оны 4 дүгээр сарын 25-ны өдөр зохион байгууллаа.

Хэлэлцүүлгээр дүүргийн Прокурорын газрын Шүүхэд төрийг төлөөлөх ажил хариуцсан Ахлах прокурор Б.Энэрэл Прокурор иргэний хэрэг хянан шийдвэрлэх ажиллагаанд төрийн байгууллагын хүсэлтээр оролцох, Төрийн байгууллага нэхэмжлэгч, эсхүл хариуцагч, гуравдагч этгээдээр иргэний хэрэг хянан шийдвэрлэх ажиллагаанд оролцохдоо прокурор оролцуулах хүсэлт гаргах, прокурор төрийн байгууллагын хүсэлтийг хүлээн авч шүүхэд нэхэмжлэл гаргах, Прокурор төр, нийтийн эрх, ашиг сонирхол зөрчигдсөн тохиолдлыг санаачилгаараа илрүүлж, төрийн байгууллагатай хамтран ажиллах агуулгын хүрээнд мэдээлэл өгч, хэлэлцүүлэг хийлээ.

Хэлэлцүүлэгт оролцсон байгууллагуудаас төр, нийтийн ашиг сонирхолд зөрчигдсөн асуудал, хохирол, хор уршиг учирсан болон бусад тулгамдсан асуудлын талаар санал хүсэлтээ хэлж, цаашид төр, нийтийн ашиг сонирхол зөрчигдсөн тохиолдолд Прокурорын байгууллагыг мэдээллээр хангах, иргэн захиргааны хэрэг хянан шийдвэрлэх ажиллагаанд оролцуулахаар хүсэл гаргах, холбогдох нотлох баримтыг тухай бүр прокурорт хүргүүлэх тал дээр хамтран ажиллахаа илэрхийллээ.

Прокурор төр, нийтийн ашиг сонирхлыг хамгаалах нь” сэдэвт хэлэлцүүлэгт 21 байгууллагын 23 албан хаагчид оролцлоо.

 
Өнөөдөр түүхэн өдөр. Сонгинохайрханчууд бид анх 2017 онд газар чөлөөлөлтийн ажлыг эхлүүлж 2019 онд дүүргийн Соёлын ордон байгуулах нэрийдлээр хүүхэд залуучуудын театрын барилгын шавыг тавьж байсан түүхтэй. Монгол Улсын Засгийн газраас 2021 оны 6 дугаар сарын 1-ний өдрийн хуралдаанаар “Хүүхэд залуучуудын театр” болгох шийдвэрийг Монгол Улсын ерөнхий сайд Л.Оюун-Эрдэнэ гаргаж байсан. Харин өнөөдөр энэ шийдвэр биеллээ олж, хүүхэд залуучуудын театр 27 жилийн дараа эзэнтэй болж хөшгөө нээж байгаад дүүргийн Засаг даргын хувьд баяртай байна.
 
Энэхүү түүхэн өдөр Сонгинохайрханчууд бид дүүрэгтээ Монгол Улсын Төрийн шагналт, Соёлын гавьяат зүтгэлтэн, нэрт зохиолч Дарамын Батбаярын “Хайрыг хайрла” уянгын драмын жүжгийг үзэж, үе үеийн гавьяат жүжигчидтэй, театрынхаа нээлтийг хийсэнд баяртай байна. Хүүхэд залуучуудын театрын нээлтэд зориулж гурван төрлийн жүжиг тоглогдох бөгөөд хүүхэд багачууддаа зориулан “Арслан хүлэгт баатар ”, залуучууддаа зориулан “Хайрыг хайрла” "Арван найм дахь хаврын хайр" жүжгүүд тоглогдож эхлээд байна. Улс орны баялаг ирээдүйн хөгжил хүүхэд, залуучуудаас эхлэлтэй. Иймээс тэднийхээ боловсрол, соён гэгээрлийн үйлсэд үнэтэй хувь нэмэр оруулах орчин үеийн театр манай дүүрэгт нээгдсэн юм. Дашрамд дуулгахад театрын орчимд спорт цогцолбор, тусгай сургууль барихаар төлөвлөсөн бөгөөд тус бүсийг хүүхэд, залуучууддаа зориулан цогц бүтээн байгуулалттайгаар тохижуулахаар болсныг дуулгахад таатай байна.
 
 
Сонгинохайрхан дүүргийн 18 дугаар хороонд байрлах ерөнхий боловсролын 12 дугаар сургуулийн барилга ашиглалтад орж, албан ёсны нээлтийн үйл ажиллагаа өнөөдөр /2024.04.23/ боллоо. Тус сургуулийн барилгыг буулгаж шинээр 960 хүүхдийн хүчин чадалтай сургууль барихаар 2021 оны Улсын төсөвт анх тусгагдаж, нийслэлийн Засаг даргын Тамгын газарт хэрэгжүүлэх эрхийг шилжүүлэн, “Түлхүүр гаргуулах” гэрээний нөхцөлтэй худалдан авах ажиллагааг зохион байгуулж, барилга угсралтын ажлыг эхлүүлж байсан.
 
Тус сургууль ашиглалтад орсноор Сонгинохайрхан дүүргийн 18, 38 дугаар хороо, 5 шар орчмын хамран сурах тойргийн хүүхдүүд орчин үеийн стандарт хангасан эрүүл аюулгүй орчинд суралцах нөхцөл ийнхүү бүрдээд байна. 12 дугаар сургууль 81 бүлэг 3300 хүүхэд суралцдаг бөгөөд шинээр ашиглалтад орсон 960 хүүхдийн сургууль нь А,Б,В блок бүхий 3-4 давхар барилга бөгөөд бага, ахлах хоёр спорт заал, урлаг заал, хувцас солих өрөө, гал тогоо, хоолны заал, ариун цэврийн өрөө, агуулах, хичээлийн анги танхим, болон бусад өрөө тасалгаануудаас бүрдсэн зохион байгуулалттайгаар ашиглалтад орлоо. Шинэ сургууль ашиглалтад орсноор 3300 орчим суралцагчид 170 гаруй багш, ажилтнууд эрүүл аюулгүй, тав тухтай орчинд ажиллаж, сурч хөгжих боломжтой болж байгаад баяртай байна. Мөн нээлтийн үеэр Хотын дарга Х.Нямбаатар тус сургуулийн баруун урд хэсэгт байх ашиглагддаггүй хуучны нэг давхар объектыг чөлөөлж, тус талбайг хүүхэд, багачуудад ээлтэй ногоон байгууламж, авто болон явган зам бүхий цэцэрлэгт хүрээлэн болгох шийдвэрийг гаргасан юм.
Монгол-Оросын хамтарсан хөтөлбөртэй 162 дугаар сургууль 70 гаруй багш, ажилтан 1100 гаруй суралцагчтай. Тус сургууль жил бүр 1 дүгээр ангидаа Монгол-Орос улсын хамтарсан хөтөлбөртэй сургалт явуулж улмаар 12 жилийн дараа бүрэн Орос хөтөлбөртэй сургууль болох зорилтыг тавин ийнхүү хичээлээ эхлүүлсэн юм.
Энэ жилийн нэгдүгээр ангийн таван бүлэгт 170 гаруй сурагчид элсэн суралцаж орос хэлний боловсрол эзэмшиж, эрдмийн баяраа тэмдэглэлээ. Ерөнхий боловсролын 162 дугаар сургуульд зөвхөн хамран суралцах тойргийн сурагчид элсэн орох бөгөөд үнэ төлбөргүйгээр Сонгинохайрхан дүүргийн хүүхдүүд маань орос хэл дээр боловсрол эзэмшиж байна.
 
“Төгсөлтийн аргачлал” туршилтын хөтөлбөрийн тайлант өдөрлөг өнөөдөр /2024.04.11/ боллоо. Тус хөтөлбөрт Сонгинохайрхан дүүрэгт оршин суудаг 716 иргэн оролцож, мэргэжлийн сургалтыг амжилттай төгсөн гарааны бизнесээ эхлүүлээд байна.
Дээрх иргэд маань өөрсдийн гараар урласан төрөл бүрийн оёдол, эсгий урлал, гутал, арьсан эдлэлээ олон нийтэд дэлгэн сурталчилж, хоол үйлдвэрлэл, үсчин, гоо сайхан, бариа заслын мэргэжлийн ур чадвараа практик хэлбэрээр олон нийтэд таниуллаа.
Гарааны бизнесээ амжилттай эхлүүлээд буй эдгээр иргэдийг Сонгинохайрхан дүүргийн Эрэгтэйчүүдийн хөгжлийн төв, Эмэгтэйчүүдийн хөгжлийн төв, Ховор угалз сургалтын төв, Нэмүү өртөг шингэсэн үйлдвэрлэл эрхлэгчдийн холбооны бизнес сургалтын төв хамтран бойжуулж, чадавхжуулах сургалтыг амжилттай зохион байгуулсан билээ. Тодруулбал, тус дөрвөн төв дээр оёдол, гар урлал, модон эдлэл, дугуй засвар, гагнуур, үсчин, гоо сайхан зэрэг 18 нэр төрлийн сургалт явагдаж мэргэжлийн ур чадварыг олгосон юм.
Энэхүү чадавхжуулах сургалтад амжилттай суралцсан иргэдэд гарааны бизнесийг нь дэмжих хөрөнгө оруулалт болгож хэрэгцээт тоног төхөөрөмжүүд гардуулан өгсөн ба сургалтад хамрагдан тоног төхөөрөмжийн дэмжлэг авсан иргэд маань өнөөдөр өөрсдийн бизнесийг амжилттай эхлүүлээд байгаа нь энэ юм.
Мөн эдгээр иргэдийг үргэлжлүүлэн тоног төхөөрөмжтэй харьцах, хөдөлмөрийн аюулгүй байдлыг хангах зэрэг сургалтад хамруулж байна. Гарааны бизнесээ эхлүүлээд удаагүй байгаа ч амжиргаагаа дээшлүүлэн, өрхийн үйлдвэрлэлийг өргөжүүлэх, бүтээгдэхүүн үйлчилгээг хөгжүүлэх хүсэл, эрмэлзлэлтэй эдгээр иргэдийг Сонгинохайрхан дүүргийн Засаг даргын Тамгын газраас онцгойлон анхаарч, цаашид өсөн дэвших боломжоор бүрэн ханган ажиллана гэдгийг дуулгахад таатай байна.
Сонгинохайрхан дүүргийн 21-р хороонд өнөөдөр /2024.04.07/ ажиллалаа. Тус хороо нь мал бүхий суурьшлын бүс бөгөөд газар нутгийн хувьд хэсгийн бүтэц таруу, сүүлийн жилүүдэд хүн ам өсөж буй хороодын нэг. Дүүргийн мал аж ахуй эрхлэхийг зөвшөөрсөн тус хороонд 1574 малчин өрх 73824 толгой мал маллан эрчимжсэн мал аж ахуйг хөгжүүлэн амьдарч байна.
Тус хороонд хаваржилтын нөхцөл байдлаас шалтгаалан малын гаралтай хог хаягдал, сэг зэм, нийтийн тээврийн хүрэлцээ хангамж, шар усны үерийн эрсдэл зэрэг асуудлууд жил бүр үүсдэг. Иймд тус хорооны Засаг дарга Б.Энхням болон 12 хэсгийн ахлагч нартай уулзаж, хорооны нутаг дэвсгэрийн хэмжээнд хурдан, шуурхай шийдвэрлэх шаардлагатай байгаа асуудлуудын талаарх санал, хүсэлтийг сонслоо.
Хорооны Засаг дарга болон хэсгийн ахлагчдын санал, хүсэлтийн харгалзан хаваржилтын нөхцөл байдлаас шалтгаалан малчин өрхөд үзүүлэх өвс, буудай, ногоон тэжээлийн дэмжлэгийг үргэлжлүүлэн өрх бүрт тэгш хүртээмжтэй хүргэх, Нийтийн тээврийн маршрутыг сунгах, Зүй бусаар хорогдсон малын сэг, зэмийг булшлах аргаар устгах, Шар усны үерээс үүссэн хүндрэлтэй байршлууд дээр хайрга, дайрга асгах, шуудуу татах зэрэг арга хэмжээг холбогдох байгууллагуудтай хамтран шийдвэрлэхээр боллоо.
Мөн тус ажлуудын үр дүн хэрэгжилтэд тогтмол хяналт тавьж, тайлагнахыг холбогдох удирдлагуудад үүрэг болгов.
 
Нэгдүгээр хорооллын төв зам буюу Энхтайваны өргөн чөлөөний нийтийн эзэмшлийн талбайг бүрэн тохижуулах ажлын явц, гүйцэтгэлд хяналт тавьж ажиллалаа. Тус ажлын гүйцэтгэл 90 гаруй хувьтай үргэлжилж байгаа бөгөөд бүтээн байгуулалт хийж буй гурван компанийн удирдлагуудтай уулзаж, ажлын гүйцэтгэл явцыг дүгнэж, шаардлагатай чиглэлийг өглөө.
Бид 2023 оны гуравдугаар сард Энхтайваны өргөн чөлөөнд зөвшөөрөлгүй байсан ТҮЦ болон бусад объектыг нүүлгэн шилжүүлж, газар чөлөөлөн нийтийн эзэмшлийн талбайг нөхөн сэргээх, тохижуулах ажлын эхлэлийг тавьсан.
Тухайн тохижилтыг нийслэлийн төсвийн хөрөнгөөр гүйцэтгэж байгаа бөгөөд Саппоро буюу 12-р хорооноос эхлэн 13, 14, 15, 16, 17 дугаар хороонуудыг дамнасан дугуйн зам, явган зам, авто машины зогсоол, гэрэлтүүлэг, ногоон байгууламж бүхий тохижилт, бүтээн байгуулалтуудыг хийж байна. Өнөөдрийн уулзалтын үр дүнд иж бүрэн тохижилт бүтээн байгуулалтын ажлыг дөрөвдүгээр сард багтаан дуусгаж, байнгын ашиглалтад хүлээж авахаар боллоо.
Мөн хороодын Засаг дарга, үйлчилгээний байгууллагуудын эзэдтэй уулзаж байгууламжийн гадна өнгө үзэмжийг сэргээх, зөвшөөрөлгүй хайс, хашлагыг чөлөөлж нийтийн эзэмшлийн талбайг зориулалтын дагуу ашиглаж хамтран ажиллахыг зөвлөлөө.
”Улаанбаатар хотын орлогод нийцсэн ногоон орон сууц ба дасан зохицох чадавх бүхий шинэчлэл салбарын төсөл"-ийн хүрээнд зургаан дэд төвийг байгуулж буй.
Сонгинохайрхан дүүргийн хувьд "Баянхошуу, Толгойт" гэсэн хоёр дэд төвийг барьж байна. Өнөөдөр нийслэлийн Засаг даргын Эдийн засаг, дэд бүтцийн асуудал хариуцсан нэгдүгээр орлогч П.Сайнзориг болон бусад холбогдох албаныхантай Сонгинохайрхан дүүргийн 8 дугаар хорооны нутаг дэвсгэрийг хамарч буй Баянхошуу дэд төвийн эхний ээлжид газар чөлөөлөлт хийх 18 айлын төлөөлөлтэй уулзан, газрыг орон сууцаар солих тодорхой шийдлүүдийн талаар санал солилцлоо.
“Ногоон орон сууц төсөл”-ийн хүрээнд Баянхошуу дэд төвд 2260 айлын ногоон орон сууцны төсөл хэрэгжиж буй.
Энэ хүрээнд 2023-2025 онд дахин төлөвлөлтөөр 336 айлын ногоон орон сууц барих бөгөөд энэ оны дөрөвдүгээр улиралд эхний ээлжийн 110 айлын орон сууцыг ашиглалтад оруулахаар ажиллаж байна.
Тус 110 айлын орон сууцанд Сонгинохайрхан дүүргийн 8 дугаар хорооны иргэд өөрийн өмчлөлийн газар болон үл хөдлөх хөрөнгөө хөндлөнгийн итгэмжлэгдсэн үнэлгээний компаниар үнэлгээ хийлгэж, орон сууцаар дүйцүүлэн солих нөхцөл бүрдэнэ. Мөн газрыг орон сууцаар солихдоо иргэдийг түрээсийн орон сууцаар хангах юм.
 
Нийслэлийн Засаг даргын нэрэмжит Ерөнхий боловсролын сургуулийн сурагчдын "Улаанбаатар лиг" Нийслэлийн аварга шалгаруулах сагсан бөмбөгийн тэмцээний бага насны хөвгүүдийн ангилалд Сонгинохайрхан дүүргийн маань 62-р сургуулийн биеийн тамирын багш Б.Нэргүйбаатар дасгалжуулагчтай, А.Тэнгэр ахлагчтай баг, Бага насны охидын ангилалд Д.Оюунтунгалаг дасгалжуулагчтай, Х.Хулан ахлагчтай 151-р сургуулийн баг тамирчид тус, тус тэргүүн байр эзэллээ.
Сагсан бөмбөгийн спортоор хичээллэж, багаараа хамтдаа тууштай, сахилга бат чин сэтгэлтэй нэг зорилгын төлөө тэмүүлж, "Тэргүүн байранд" орсон сурагчид болон дасгалжуулагч багш нартаа, тамирчин сурагчдыг маань дэмжиж, хамтран ажилладаг эцэг эхчүүдэдээ халуун баяр хүргэж, спортын өндөр амжилт хүсье.
?Бага насны хөвгүүдийн ангилалд:
ШИЛДЭГ ТОГЛОГЧ: СОНГИНОРХАЙРХАН ДҮҮРГИЙН 62 ДУГААР СУРГУУЛИЙН СУРАГЧ А.АНГАРАГ,
ШИЛДЭГ ДАСГАЛЖУУЛАГЧ: СОНГИНОРХАЙРХАН ДҮҮРГИЙН 62 ДУГААР СУРГУУЛИЙН БАГШ Р.НЭРГҮЙБААТАР
?Бага насны охидын ангилалд:
ШИЛДЭГ ТОГЛОГЧ: СОНГИНОРХАЙРХАН ДҮҮРГИЙН 151 ДҮГЭЭР СУРГУУЛИЙН СУРАГЧ Х.ХУЛАН,
ШИЛДЭГ ДАСГАЛЖУУЛАГЧ: СОНГИНОРХАЙРХАН ДҮҮРГИЙН 151 ДҮГЭЭР СУРГУУЛИЙН БАГШ Д.ОЮУНТУНГАЛАГ
?Ахлах насны охидын ангилалд:
ХОЁРДУГААР БАЙРТ: О.ОЮУН-ЭРДЭНЭ БАГШТАЙ М.МЯГМАР-УНДРАА АХЛАГЧТАЙ ӨНӨР ЦОГЦОЛБОР СУРГУУЛЬ
ГУРАВДУГААРТ БАЙРТ: Б.АЛТАНХУЯГ БАГШТАЙ Э.МИШЭЭЛ АХЛАГЧТАЙ 42-Р СУРГУУЛЬ тус, тус шалгарлаа.
Багш болон шавь нарт нь халуун баяр хүргэе. Шилдэгүүддээ амжилт хүсье.
Сонгинохайрхан дүүргийн иргэд, төр болон төрийн бус байгууллага, аж ахуйн нэгж байгууллагууд хамтран “Малчдадаа тусалъя” аянд нэгдэж 21, 32, 33 дугаар хорооны малчин өрхүүдэд хүнс, ахуйн багц, өвс тэжээлийн дэмжлэг үзүүллээ.
Тодруулбал, дүүргийн мал аж ахуй эрхлэхийг зөвшөөрсөн бүсэд 1574 малчин өрх 73824 толгой мал маллан эрчимжсэн мал аж ахуйг хөгжүүлэн амьдардаг. Иймд хаваржилтын хүндрэлтэй нөхцөлөөс шалтгаалан Сонгинохайрхан дүүргийн Онцгой комиссын шийдвэрээр иргэд, олон нийт хамтран Хүнсний 343, Ахуйн 270 багц, Нэмнээ 2815, Элгэвч 1689, Боодолтой өвс 5000 ширхгийг 1200 гаруй малчин өрхөд хүргэлээ.
Аяны хүрээнд хандиваар малчдад хэрэгтэй бараа материал, бэлэн мөнгө цугларсан бөгөөд эд материалыг багц хэлбэрээр харин бэлэн мөнгөөр малын өвс худалдан авч малчдадаа дэмжлэг үзүүлэн, тусламжийн гараа сунгалаа.
“Малчдадаа тусалъя” аянд нэгдэж үндэсний баялаг болсон мал аж ахуйн салбарт хохирол учирч буй энэ цаг үед малчдадаа сэтгэл санааны болон эд материалын дэмжлэг үзүүлж, буян мал сүргээ хамгаалах үйлсэд нэгдсэн иргэд, төрийн болон төрийн бус байгууллага, аж ахуйн нэгж байгууллагууддаа талархал илэрхийлж, ажил хөдөлмөрийн амжилт хүсье.