СОНГИНОХАЙРХАН ДҮҮРЭГ
ЗАСАГ ДАРГЫН ТАМГЫН ГАЗАР
СОНГИНОХАЙРХАН ДҮҮРЭГ
ЗАСАГ ДАРГЫН ТАМГЫН ГАЗАР
Азийн хөгжлийн банк, Дэлхийн Зөн олон улсын байгууллага, Good neighbors, HAATZ, Жайка, Швейцарийн хөгжлийн агентлаг, Тайваний хүүхэд гэр бүл дэмжих сангийн Монгол дахь төлөөлөгчийн газар, “Хөгжил дэх оролцооны төлөөх холбоо “Жи Си Эс” ТББ, МҮХАҮТ, БНХАУ-ын ӨМӨЗО-ны Хөлөнбуйр хотын Хайлаар дүүрэг, Япон улсын Изүнокүни хот, нутаг дэвсгэрийн аж ахуйн нэгж, тус дүүргээс сонгогдсон УИХ-ын гишүүд болон нийслэлийн ИТХ-ын төлөөлөгч нартай байнгын холбоотой ажиллан, хамтран ажиллах санамж бичиг байгуулан, тэдний дэмжлэгийг авч, хөрөнгө оруулалтын төсвийн бус эх үүсвэр татах ажлыг зохион байгуулав. Үүнд:
- Австрийн засгийн газрын тусламжийн 7.0 сая еврогийн санхүүжилтээр хэрэгжих гэрэлтүүлгийн ажлын төсөл Засгийн газар хоорондын хэлэлцээрээр батлагдсан. Барилга хот байгуулалтын яамнаас зарлагдах “Гэрэлтүүлэг үйлдвэрлэн нийлүүлэгч” шалгаруулах тендерт шаардагдах материалыг боловсруулан, нэгтгэж тус яаманд хүргүүлсэн.
- Азийн хөгжлийн банкны санхүүжилт 37.0 сая ам долларын өртөг бүхий дүүргийн “Жишиг эмнэлгийн” барилгын ажил үргэлжилж байна.
- Азийн хөгжлийн банкны хөнгөлөлттэй зээлээр 4 сургууль, 7 цэцэрлэг баригдахаар батлагдсан.
- БНХАУ-ын Засгийн газрын буцалтгүй тусламжаар 25, 26 дугаар хороонд сургуулийн барилгын ажил эхэлсэн.
- Япон улсын Өвсний үндэс төслийн хүрээнд 170.0 сая төгрөгийн өртгөөр 117 дугаар цэцэрлэгийн өргөтгөлийн ажлыг хийж гүйцэтгэсэн.
- 90, 127 дугаар цэцэрлэгийн барилгын засвар шинэчлэлийн ажлыг Швейцарын хөгжлийн агентлагийн санхүүжилтээр хийж гүйцэтгэсэн. Төсөвт өртөг 658.7 сая төгрөг.
- 2019 онд Швейцарын хөгжлийн агентлагийн санхүүжилтээр 74 дүгээр сургууль, 91, 158 дугаар цэцэрлэгүүдийн дулаалгын ажлыг хийхээр батлагдсан.
- Азийн хөгжлийн банкны тусламжаар 2.8 сая ам.долларын “Гэр хорооллын ариун цэврийн байгууламжийг сайжруулах замаар хөрсний бохирдлыг бууруулах нь МОН-9189 төсөл”-ийг дүүргийн 6, 7 дугаар хорооны 300 айлд хэрэгжүүлэхээр төлөвлөн, ажил явагдаж байна.
- 9 дүгээр сургуулийн ариун цэврийн өрөөний их засварын ажлыг Good neighbors ОУТББ-ын 150.0 сая төгрөгийн санхүүжилтээр хийсэн.
- 62 дугаар сургуульд компьютерийн лабораторид 20 ширхэг иж бүрэн компьютер, 1 принтерийн хөрөнгө оруулалтыг 120.0 төгрөгөөр Good neighbors ОУТББ санхүүжүүлсэн байна.
Хүйтний улирал эхэлж, томуу, томуу төст өвчний дэгдэлт нэмэгдсэнтэй холбогдуулан нийслэлийн бүх дүүргийн өрхийн эмнэлгүүд уртасгасан цагаар ажиллаж байна.
Тодруулбал өрхийн эмнэлгүүд ажлын өдөр 08:30-19:00 цаг хүртэл, бямба гаригт 10.00-16.00 цагийн хооронд ажиллаж байна. Мөн шаардлагатай тохиолдолд 0-5 настай хүүхдийг эмч нар гэрээр үзэж, эмчилж байгаа юм байна.
Томуу, томуу төст өвчний тандалтын мэдээллээр, нийслэлийн хэмжээнд амбулаторийн 89 мянга 587 үзлэг хийгдсэнээс томуу, томуу төст өвчтэй 6488 тохиолдол оношлогджээ.
Мөн Түргэн тусламжийн дуудлагын 43.3 хувийг амьсгалын замын цочмог халдвар эзэлж буй бөгөөд нийт өвчлөгсдийн 85 хувийг 0-9 насны хүүхэд эзэлж байна. Бага насны хүүхдүүд уушгины хатгалгаа, ялангуяа амьсгалын замын дутагдал илрэх хандлага ихэссэнийг эмч нар онцолж байгаа.
Өвчлөл нэмэгдсэнтэй холбогдуулан хэвтэн эмчлүүлэх шаардлагатай хүүхдийн тоо нэмэгдэж, ялангуяа хүүхдийн орны ачаалал 90 хувиар хэтрээд байгаа учраас дүүргийн эмнэлгүүд орны тоо нэмэх, том хүмүүсийн хэвтэн эмчлүүлдэг зарим тасгийг хүүхдийн тасаг болгон ажиллаж байна.
Нийслэлийн нутгийн захиргааны байгууллагууд, Улаанбаатар хотын Захирагчийн харьяа газруудын 2018 оны үйл ажиллагааны үр дүнд хяналт шинжилгээ, үнэлгээ хийх ажлын хэсэг Сонгинохайрхан дүүрэгт ажиллалаа.
Нийслэлийн Засаг даргын Тамгын газрын Төрийн захиргааны удирдлагын хэлтсийн дарга Ү.Ганболдоор ахлуулсан ажлын хэсэг Нийслэлийн Засаг дарга бөгөөд Улаанбаатар хотын захирагчийн үйл ажиллагааны хөтөлбөр, эдийн засаг нийгмийг 2018 онд хөгжүүлэх үндсэн чиглэлийн биелэлт, иргэдийн оролцоотой амьдрах орчныг сайжруулах жилийн хүрээнд хийж хэрэгжүүлсэн ажил түүний үр дүн болон бусад чиглэлээр хяналт шинжилгээ хийлээ.
Монгол гэрийн дулаалгын бүтээгдэхүүнийг турших, сурталчлах ажлын хэсгийн бүрэлдэхүүнийг дүүргийн Засаг даргын 2018 оны А/69 дүгээр захирамжаар байгуулсан. Тус ажлын хүрээнд 7, 24 дүгээр хорооны амьжиргааны түвшнээс доогуур орлоготой, нэн ядуу 2 өрхийг сонгон бүрэн дулаалга хийн, цахилгаан халаагуур суурилуулан туршилтын ажлыг эхлүүлсэн. “Утааны эсрэг аав ээжүүд” ТББ гэр хорооллын 23 хорооны иргэдэд гэр, байшингаа дулаалж дулааны алдагдлыг бууруулах сургалтыг зохион байгуулж 1200 гаруй иргэнийг хамруулсан.
Дүүрэгт үйл ажиллагаа явуулж байгаа аж ахуйн нэгжүүдийг түүхий нүүрс хэрэглүүлэхгүй байх зорилгоор "Тохижилт, цэвэрлэгээний гэрээ"-нд стандартын зуух, сайжруулсан түлш, цахилгаанаар халдаг байх шаардлагатай гэсэн заалтыг тусгасан.
Дүүргийн төсвийн 10.0 сая төгрөгийн хөрөнгөөр 1060м2 талбайн сул шороон хөрс бүхий нийтийн эзэмшлийн талбайд шинээр зүлэгжүүлэлт хийсэн. Дүүргийн орон нутгийн хөгжлийн сангийн 10.0 сая төгрөгийн хөрөнгөөр 13-р хорооны 8,9 дүгээр байрны нийтийн эзэмшлийн талбайн 180 м2 сул шороон хөрсийг “Алтайн цаст” ХХК хатуу хучилттай болгон тохижуулсан. 14,15,16-р хорооны нутаг дэвсгэрийн 1500м2 талбайн хөрсийг хуулж хар шороогоор хучиж зүлэгжүүлэлт хийсэн.
Хороодын иргэдийн оролцоо хөрөнгөөр 1 дүгээр хорооны Толгойтын 102,103-р гудамж, 2 дугаар хорооны Орбитын 51-65 дугаар гудамж, 4 дүгээр хорооны Их нарангийн 10,11 дүгээр гудамж, 6 дугаар хорооны Тоосгоны 4,14,17,24,24а гудамж, 9 дүгээр хорооны Баруунбаян уулын 1,2,3,6,7-р гудамж, 10 дугаар хорооны Зүүнбаян уулын 9,11,13,16а, 16б, 17, 18,22,23,24,30,32 дугаар гудамж, 26 дугаар хорооны Мандал овооны 7 дугаар гудамж, 27 дугаар хорооны Агарын 3-5 дугаар гудамжуудыг жишиг гудамж болгон тохижуулах ажил хийгдсэн. Дүүргийн төсвийн 6.9 сая төгрөгөөр 2,3,5,6,10,13,15-р хороодын нутаг дэвсгэрийн тохижилтод дэмжлэг үзүүлсэн.
Орон нутгийн тусгай хамгаалалтын бүс буюу Баянхошуу хайрханы өвөрт зөвшөөрөлгүй буусан 48 айлыг нүүлгэн бүх нийтийн мод тарих өдрөөр 250 ширхэг улиас мод тарьсан.
Дүүргийн нутаг дэвсгэрт үйл ажиллагаа эрхлэн явуулж буй 2100 гаруй аж ахуйн нэгж байгууллагуудын 4120 иргэдэд нийслэлийн ИТХ-ын 63,61 дүгээр тогтоол, Монгол улсын Зөрчлийн тухай хуулиудаар, Ерөнхий боловсролын дунд сургуулийн 620 сурагчдад хог хаягдлыг ангилан ялгах болон Хог хаягдлын шинэчилсэн хууль, Тохижилт хог хаягдлын олон нийтийн байцаагч нарт Монгол улсын Эрүүл ахуйн тухай хууль, Монгол улсын Зөрчлийн тухай хууль, Монгол улсын Байгаль орчны тухай хуулиудаар сургалт зохион байгуулан 840 гаруй гарын авлагаар хангасан.
21 дүгээр хорооны нутаг дэвсгэрт 24 айл өрхийн хог хаягдлыг ангилан ялгах ажлыг эхлүүлсэн.
2018 оны жилийн эцсийн байдлаар хог хаягдлыг тээвэрлэгч байгууллагуудтай хамтран үүсмэл болон хур хог хаягдлын цэгийг устгах ажлыг зохион байгуулж 139 үүсмэл, 1 хур нийт 140 хогийн цэгийг цэвэрлэж бүрэн устгасан. Гэр хороодын хогийн цэг үүсдэг 10 байршилд дүүргийн орон нутгийн хөгжлийн сангийн хөрөнгө 7.5 сая төгрөгөөр камержуулалт хийсэн.
Нийслэл хотын хэмжээнд энэ сарын 02-03-нд шилжих шөнө бага зэрэг цас орж, өглөөний 05.00 цагаас 11.00 цагийн хооронд хальтиргаа гулгаа үүсэж болзошгүй нөхцөл байдал үүссэн.
Үүнээс сэргийлж “Өнөр”, “Содон” хорооллуудын арын зам, гэр хорооллуудын туслах авто замууд, Баруун, зүүн салаа, Их наран, Толгойтын зам, Буяны зам, Ханын материалын замуудад нийт 12.1 тн давс цацлаа.
Болзошгүй нөхцөл байдалд бэлэн байх үүднээс жижүүрт 2 автомашин 2 жолооч, 6 ачигч, 1 инженер нийт 7 хүний бүрэлдэхүүнтэйгээр ажилласан байна. Түүнчлэн дүүргийн нөөцөд 144 мянган тн давс 16.4 тн химийн бодис үлдсэн байна.
Энэ оны бэлтгэл офицер, цэргийн үүрэгтний бүртгэлийн нэгдсэн семинарыг дүүргийн Иргэний танхимд зохион байгууллаа. Семинарт Засаг даргын Тамгын газрын дарга, Цэргийн штабын дарга, офицер, ахлагч, 32 хорооны Засаг дарга, зохион байгуулагч нар оролцлоо.
Түүнчлэн 2018 онд батлан хамгаалах хууль тогтоомжийг хэрэгжүүлэх ажилд идэвх санаачилгатай ажилласан зарим хороодын зохион байгуулагчдыг шагнаж урамшуулан, 16 хороонд сүүлийн үеийн үзүүлэлт сайтай комьпютер гардуулж өглөө.
Мөн 2019 онд 18 нас хүрэх 6-р хорооны иргэдэд хүндэтгэл үзүүлж, цэргийн үүрэгтний үнэмлэх гардууллаа.
Дүүргийн улаан загалмайн хороо төр улаан загалмай хамтын ажиллагааны салбар зөвлөлийн хурлаа хийлээ. 2018 оны тогтвортой хөгжлийн үзүүлэлтийн тайлан, төлөвлөгөөний хэрэгжилт, үйл ажиллагааны тайлангуудаа танилцуулан, 2019 оны хамтын ажиллагааны төлөвлөгөөгөө хэлэлцжээ.
“Улаан чулуутын хогийн цэг дээр хөдөлмөр эрхэлж байгаа залуучуудын судалгааг гаргаж, мэдээллийн санг бий болгох, нөхцөл байдалтай танилцаж, шаардлагатай нийгмийн үйлчилгээнд холбон зуучлах зорилгоор 2018 оны 12 сарын 26-ны өдөр “Залуучуудын хөгжлийн төв”-ийн ажилтнууд дүүргийн 26 хороотой хамтран ажиллалаа.
Тус хөдөлмөр эрхлэгч иргэдэд төсвөө хэрхэн зөв зарцуулах талаар зөвлөгөөг хүргэн, утааны маск, ажлын бээлийн тарааж өгч, халуун аарц, хоолоор үйлчилсэн бөгөөд хөдөлмөр эрхлэгч 42 иргэдийн судалгааг авч, мэдээллийн санг бүрдүүлэн, бичиг баримтгүй 7 иргэнийг бүртгэж, нөхцөл байдлын үнэлгээ хийн, цаашид шаардлагатай үйлчилгээнд холбон зуучлахаар ажиллаж байна.
Сонгинохайрхан дүүргийн 2 хорооны хамт олон дүүргийн Хөдөлмөр, халамжийн үйлчилгээний хэлтэс, Дэлхийн зөн олон улсын байгууллагатай хамтран үерийн ус урсдаг 2 байршилд явган хүний гүүр байгуулжээ.
Тодруулбал Цэнхэр дэлгүүрийн хажуугийн хүүхдийн тоглоомын талбайн зүүн талд хүн ихээр зорчдог жалган дээр 1.5м-ийн өргөн, 18м урттай явган хүний гүүр харин Нарангийн голд 12м урт, 1.5м өргөн явган хүний гүүрийг нийт 10 сая төгрөгөөр байгуулжээ.
Дэлхийн зөн олон улсын байгууллагын “Гамшигт тэсвэртэй улаанбаатар” төслийн санхүүжилтээр хийгдсэн уг гүүрийг тус хорооны зорилтот бүлгийн иргэд хийж гүйцэтгэсэн бөгөөд дүүргийн Хөдөлмөр, халамжийн үйлчилгээний хэлтсээс тэдгээр иргэдийг цалинжуулсан байна.
Нийслэл, дүүргүүдийн Засаг даргын Тамгын газрын Цэргийн штабын 2018 оны үйл ажиллагааны тайлангийн хурал өнөөдөр боллоо. Тайлангийн хуралд НЗДТГ-ын дарга бөгөөд Цэрэг татлагын товчооны дарга М.Отгонбаяр, НЗДТГ-ын Цэргийн штабын дарга, хурандаа Ж.Болдбаатар болон дүүргүүдийн ЗДТГ-ын Цэргийн штабын дарга, бие бүрэлдэхүүн оролцов.
Тайлангийн хурлын үеэр нийслэл, дүүргийн ЗДТГ-ын Цэргийн штабын шилдгүүдийг тодрууллаа. Цэргийн штабын 2018 оны үйл ажиллагааны үр дүнгийн үнэлгээгээр хурандаа Ж.Даваарагчаа даргатай Чингэлтэй дүүргийн ЗДТГ-ын Цэргийн штаб, хурандаа А.Баттулга даргатай Хан-Уул дүүргийн ЗДТГ-ын Цэргийн штаб, Дэд хурандаа Л.Мөнхбат даргатай Баянгол дүүргийн ЗДТГ-ын Цэргийн штаб, хурандаа Ц.Бямбасүрэн даргатай Сүхбаатар дүүргийн ЗДТГ-ын Цэргийн штабууд бүрэн хангалттай дүгнэгджээ.
Түүнчлэн ажил мэргэжлийн аваргаар Баянзүрх дүүргийн ЗДТГ-ын Цэргийн штабын дайчилгааны офицер, дэд хурандаа Ш.Бат-Өлзий, Сонгинохайрхан дүүргийн ЗДТГ-ын Цэргийн штабын тоо бүртгэлийн офицер, дэд хурандаа Б.Нямгэрэл, Чингэлтэй дүүргийн ЗДТГ-ын Цэргийн штабын төлөвлөлт, сургалтын офицер, ахмад Н.Лхамжав нар шалгарчээ.
