СОНГИНОХАЙРХАН ДҮҮРЭГ
ЗАСАГ ДАРГЫН ТАМГЫН ГАЗАР
СОНГИНОХАЙРХАН ДҮҮРЭГ
ЗАСАГ ДАРГЫН ТАМГЫН ГАЗАР
Монгол Улсын “Биеийн тамир, спортын тухай” хууль, Монгол Улсын Засгийн газрын 246, 05-р тогтоолууд, Нийслэлийн Засаг даргын мөрийн хөтөлбөрийг хэрэгжүүлэх, ерөнхий боловсролын сургуулийн сурагчдын бие бялдрыг гимнастикийн дасгал хөдөлгөөнөөр хөгжүүлэх, тэднийг биеийн тамир, спортын үйл ажиллагаанд татан оролцуулах зорилгоор ЕБС-ийн сурагчдын Уран хөдөлгөөнт гимнастикийн аварга шалгаруулах тэмцээнийг 42 дэх жилдээ 2 үе шаттайгаар зохион байгууллаа. Эхний шат буюу
дүүргүүдийн аварга шалгаруулах тэмцээнд Нийслэлийн 8 дүүргийн 100 сургуулийн 3000 гаруй сурагчид оролцсон бол 2 дахь шат буюу Нийслэлийн шигшээ тэмцээн Баянгол дүүргийн “Монгени” цогцолбор сургуулийн спорт зааланд явагдаж, дүүргийн аварга шалгаруулах тэмцээнээс шалгарсан 22 сургуулийн 32 багийн 322 сурагч оролцлоо. Тэмцээний дүнгээр:
А. Бага насны ангилалд:
1-р байрт Л.Болормаа багштай СХД-ийн “Ирээдүй” 83-р сургууль 17.3 оноогоор
2-р байрт С.Насанжаргал багштай БГД-ийн “Сэтгэмж” цогцолбор сургууль 17.1 оноогоор, 3-р байрт Т.Цэрэн багштай СХД-ийн “Ирээдүй” 80-р сургууль 16.3 оноогоор
Б. Дунд насны ангилалд:
1-р байрт Ш.Оюунчимэг багштай ЧД-ийн 5-р сургууль 17.6 оноогоор
2-р байрт Б.Дуламсүрэн багштай СХД-ийн Ирээдүй 36-р сургууль 16.2 оноогоор
В. Ахлах насны ангилалын багийн төрөлд:
1-р байрт Ц.Ганбаатар багштай СХД-ийн “Ирээдүй” 82-р сургууль 17.0 оноогоор
2-байрт С.Тунгалаг багштай БЗД-ийн 97-р сургууль 16.23 оноогоор
3-р байрт Ж.Чулуунцэцэг багштай ХУД-ийн 34-р сургууль I баг 16.0 оноогоор
Г. Ахлах насны ангилалын гурвалсан төрөлд:
1-р байрт Ц.Ганбаатар багштай СХД-ийн 82-р сургуулийн I баг 20.84 оноогоор
2-р байрт С.Тунгалаг багштай БЗД-ийн 97-р сургуулийн I баг 17.49 оноогоор
3-р байрт Ц.Ганбаатар багштай СХД-ийн 82-р сургуулийн II баг 16.13 оноогоор тус тус шалгарлаа гэж Нийслэлийн Биеийн тамир, спортын газраас мэдээллээ.
Дулааны улиралд хийгддэг засварын ажил 3 дугаар сараас эхэлсэн бөгөөд 2013 оны 10 дугаар сар хүртэл үргэлжилнэ. 5-р сард хийгдэх засварын үеэр эрчим хүч түр таслах хуваарийг хүргэж байна. Цаг агаарын болон болзошгүй аваар саатлаас шалтгаалан хуваарьт өөрчлөлт орж болохыг анхаарна уу. Өөрчлөгдсөн тохиолдолд тус компанид бүртгэгдсэн утсаар холбогдож ААН-үүдэд мэдээлнэ. Мөн танай аж ахуйн нэгж, орон сууцны конторын нэр, утасны дугаар өөрчлөгдсөн бол харьяа дүүрэгтээ байрлах тус компанийн Хэрэглэгчдэд үйлчлэх төвд хандан бүртгэлээ шинэчлүүлнэ үү гэж Улаанбаатар Цахилгаан түгээх сүлжээ компаниас мэдээллээ.
|
Хэдний өдөр |
Засварын хугацаа |
Засварт хамрагдах объектууд |
|
01 |
10.30-18.00 |
СХД 5, 6, 7-р хороо, Баянголын 4-р хороо Үерийн гудамж, Баянголын 27-35, 41-52, Тоосгоны 15-24, Баянхошууны 3-7, ХМК хороолол орчмоор |
|
01-02 |
10.30-18.00 |
СХД 2, 3, 4-р хороо 65, 42-р сургууль, Шунхлай ШТС, Их нарангийн 1, 3, 4, Бага наран, Орбитын 8, 29, 30-р гудамж орчмоор |
|
03 |
10.30-18.00 |
СХД 20, 22, 24-р хороо Цэргийн ангиуд, Аммиак зоорь, Зээл, Хилчин, Үйлдвэрлэлийн гудамж орчмоор |
|
06 |
10.00-18.00 |
СХД 5, 4-р хороо Их засаг Чингис СООСЭ, Мандах бүртгэл сургуулиуд, Баянголын 1, 7, 9, 20, 33, Тээвэрчидийн 12, Их нарангийн 3, Мандал овоогийн 24-р гудамжууд орчмоор |
|
07 |
10.00-18.00 |
СХД 4, 5, 27, 3-р хороо 34, Баянголын 2, 3, 4, 8, 10, Их нарангийн 10, 15-18, Баруун Нарангийн 35-37, 42, 44-р гудамж орчмоор |
|
08 |
10.00-18.00 |
СХД 20-р хороо МБ, 22-ын товчоо орчмоор |
|
08 |
11.00-15.00 |
СХД 5-р хороо Халамжийн төв, Хангай зах, ХМК-ын орон сууцууд, Баянголын гудамж, 6-р хороо орчмоор |
|
08-09 |
10.30-18.00 |
СХД Рашаант Хайртхаан, Тахир соёот, Улаанбогт, 52-ын даваа, Булаг, Хөндий болон Тахилт, Баруун туруун орчмын бүх хэрэглэгчид |
|
09 |
10.00-18.00 |
СХД 4, 26-р хороо Их нарангийн 9, 21, 22, 24, Мандал овоогийн 3, 5, 4, Бага Нарангийн 46, 48, 50, Алтан овоогийн 10-12, 13, Мал тууврын замын 9-р гудамжууд |
|
09 |
10.30-18.00 |
СХД. 12-р сургууль, 18-р хороо 5-н шар орчмын хэрэглэгчид |
|
10 |
10.00-18.00 |
СХД 26, 13, 12, 31, 14-р хороо Алтан овоогийн 2-30, Дэнжийн 1-3, 5, 6, 7, 9, Алтайн 13, Хайрханы 2, 7-р гудамж |
|
10 |
10.30-19.00 |
СХД Партизаны бүх хэрэглэгчид |
|
13 |
10.30-18.00 |
СХД 25-р хороо Төгөл зуслан, Одонтын 25-32-р гудамж орчмоор |
|
14 |
10.30-18.00 |
СХД 29, 18, 9, 25-р хороо Драгон төв орчмоор, Малчин, Хайрханы 12-17-р гудамжууд |
|
15 |
10.30-18.00 |
СХД 25, 11, 12, 31-р хороо Одонтын 15-23, Хонхорын 1, 3-6, 8, Овоотын 1, 3-6, 8, 9, Дэнжийн 14, 19-р гудамж |
|
16 |
10.30-18.00 |
СХД 19-р хороо 21-р хороолол МИК орон сууц, 8А, Б, 3-58, 4-48, 3-48, Эрчим хүчний 1, 2, 5-р байрууд, 62-р сургууль, Нийгмийн даатгалын хэлтэс, 26-р цэцэрлэг орчмоор |
|
17 |
10.30-18.00 |
СХД 25, 9, 12-р хороо Хайрханы 8-9, Малчины 6-8, Дэнжийн 9, Алтайн 7, 10, 11, 14-р гудамж орчмоор |
|
17 |
13.00-15.00 |
СХД Баруун туруун орчмоор |
|
18/Y |
09.00-18.00 |
СХД Партизан, Аргүнт, Шижирийн айлууд, Алтан тариа ХХК, Аудитын газар орчмоор |
|
19/Y |
10.00-13.00 |
СХД Партизаны Ар гүнтийн хэрэглэгчид |
|
19 |
14.00-17.00 |
СХД Партизаны Шижирийн хэрэглэгчид |
|
20 |
10.30-18.00 |
СХД 17, 9, 25, 11, 13, 31-р хороо Хархорин зах тэр орчмоор, Малчины 1-2, Одонтын 12-16, Хайрханы 1, 3-4, Овоотын 7-9, Хонхорын 4, 5, Дэнжийн 2, Аадарын 1, 2-р гудамжууд |
|
21 |
10.00-18.00 |
|
|
22 |
10.00-18.00 |
СХД 14, 15, 16, 31-р хороо Алтайн 1-23, Хилчиний 1-10, Хамбын 1-8-р гудамж орчмоор |
|
22 |
10.30-18.00 |
СХД 12, 32, 21, 22-р хороо 1-р хороолол 2, 3, 4, 5, 7-р байрууд, ТВ-5 телевиз, ЦТП, 120-р цэцэрлэг, 384-р гарам, Баруун Турууны 2, 4, 5, 7-р гудамж орчмоор |
|
23 |
10.00-18.00 |
СХД. 14, 15, 30-р хороо Алтайн 14-23, Хилчин хотхон, Чулуутын 1-11, Хамбын 1-5-р гудамжууд |
|
23 |
10.30-18.00 |
СХД 14-р хороо Барс-2, УБ ус орчмоор |
|
24 |
10.30-18.00 |
СХД 20, 32, 23-р хороо Дэнжийн 4-11, Эмээлт САА орчимд, Хангайн 47-69, Овоотын 70, 71-р гудамжууд, Эмээлт орчмоор |
|
27 |
10.30-18.00 |
СХД Эмээлт орчмын зарим хэрэглэгчид, 15, 16, 20, 23, 6-р хороо 1-р хороолол 22-26-р байр /өнөр хотхон/, 2-р бага сургууль, ЭЭС эмнэлэг, 110, 113-р цэцэрлэг, 3-р бага сургууль, 20-р хороо Шандын 7,10-р гудамж, , 32-р хорооны САА орчмоор, Хангайн 13-84, Тоосгоны 3-13-р гудамж, Хангайн захын арын хэсэг |
|
28 |
10.30-18.00 |
СХД 20, 5, 4, 7, 6-р хороо ДСАА 1-5-р гудамж, Автобус-2, Ачаа тээврийн задгай, МЦХ компани, Баянголын 22-35, 41-52, Үерийг, Баянхошууны 3-7, 6-р хорооны 24-р гудамж |
|
29 |
10.30-18.00 |
СХД 24, 5, 6-р хороо Зээлийн 8-16, Баянголын 37-66, Тоосгоны 8-16-р гудамж орчимд |
|
30 |
10.30-18.00 |
СХД 24, 4, 7, 8-р хороо Зээлийн 1-3, ИН-ийн 35-38-р гудамж орчмоор, БЦ 8-12, ЗБЦ 1-12, Баянхошууны 31-36-р гудамж орчмоор |
Сонгинохайрхан дүүргийн Засаг даргын тамгын газар, Хөдөлмөрийн хэлтэстэй хамтран “Ажилтай, орлоготой монгол хүн” хөдөлмөрийн нээлттэй яармаг өдөрлөгийг 4 дүгээр сарын 30-ны өдөр зохион байгууллаа. Дүүргийн Хөдөлмөрийн хэлтэст барилга, ноос ноолуур болон бусад салбарын 450 гаруй ажлын байр бүртгэлтэй байдгаас энэ үеэр 30 гаруй ажлын байранд иргэдийг бүртгэж, зуучилсан байна. Тус хэлтсийн мэргэжилтнүүд иргэдийг сул чөлөөтэй ажлын байранд бүртгэхээс гадна хөдөлмөрт бэлтгэх, сургалтад хамруулах, зөвлөгөө өгөх зэргээр 8 чиглэлийн үйлчилгээг үзүүлжээ.
Өдөрлөгт “Алтай кашмер” ХХК, “Буян” ХХК, “Газар орд” ХХК зэрэг 12 ажил олгогч оролцож сул чөлөөтэй ажлын байранд нийт 300 гаруй иргэнийг бүртгэсэн байна. Энэ үеэр аж ахуйн нэгжүүд үйл ажиллагаагаа сурталчилж үйлдвэрлэсэн бүтээгдэхүүнээ иргэдэд худалдаалсан юм.
Шинэчлэлийн Засгийн газрын мөрийн хөтөлбөрт хөгжлийн бэрхшээлтэй хүмүүсийн эрх, хөгжил, хамгаалал, оролцооны чиглэлээр тусгагдсан зорилтыг хэрэгжүүлэх хүрээнд “Хөгжлийн бэрхшээлтэй иргэдийн хөгжил, хамгааллын бодлого шинэчлэл” үндэсний чуулган болох юм.
Тус чуулганыг угтан Сонгинохайрхан дүүргийн Засаг даргын тамгын газар, Нийгмийн халамж үйлчилгээний хэлтэс хамтран “Хөгжлийн бэрхшээлтэй иргэдийг дэмжих нь” сэдэвт анхдугаар зөвлөгөөнийг Олон улсын хүүхдийн Найрамдал төвийн “Хараацай” театрт 4 дүгээр сарын 23-ны өдөр зохион явууллаа. Зөвлөгөөнд УИХ-ын гишүүн Л.Эрдэнэчимэг, дүүргийн засаг дарга М.Чинболд, нийслэлийн Халамж, үйлчилгээний газрын дарга Ч.Очирхүү, нийслэлийн Иргэдийн Хурлын Төлөөлөгч Ш.Одгэрэл нар урилгаар оролцлоо.
Хөгжлийн бэрхшээлтэй иргэдийн нийгмийн оролцоог идэвхжүүлэх, амьдралын итгэл үнэмшил бие даан амьдрах чадвар, хөдөлмөрийн дадал олгох, авъяасыг дэмжих, хөгжүүлэх, нийгмийн халамжийн үйлчилгээнд хамрагдаж чаддаггүй иргэдийг олж илрүүлэн нийгмийн халамжийн тухай хуулийг сурталчлах, танин мэдүүлэх зорилгоор өрхөөр явж иргэн бүртэй биечлэн уулзаж, санал асуулгаар хэрэгцээний судалгаа гарган, иргэн бүрийг анкетжуулан дүүргийн хэмжээний мэдээллийн санг шинэчилж бүрдүүлэх зорилгоор тус зөвлөгөөнийг зохион байгуулжээ. Зөвлөгөөний үеэр Сонгинохайрхан дүүргийн Хөгжлийн бэрхшээлтэй иргэний талаар хэрэгжүүлж буй бодлого, үйл ажиллагаагаа хэлэлцэн дүгнэж цаашид хэрэгжүүлэх санал, зөвлөмжийг гаргасан байна. Мөн УИХ-ын гишүүн Л.Эрдэнэчимэг хөгжлийн бэрхшээлтэй иргэдэд “Витаминжуулалтын аян”-ы хүрээнд витамин, дархлаа сэргээх бүтээгдэхүүн зэрэг гарын бэлэг өгчээ.
Дүүргийн нутаг дэвсгэрийн хэмжээнд нийтийн их цэвэрлэгээний ажлын хуваарийг энд дарж үзнэ үү.
Дүүргийн Засаг дарга М.Чинболдын энэ удаагийн иргэдтэй уулзах өдөр 4 дүгээр сарын 4-ны өдөр байв. Уулзалтаар 24-р хорооны иргэн Л.Баатар, 27-р хорооны иргэн Г.Мягмардорж, 26-р хорооны иргэн Б.Будсүрэн, 6-р хорооны иргэн Д.Ерөөлмаа, 17-р хорооны иргэн Б.Оюунцэцэг, 21-р хорооны иргэн Б.Сэмбээжав нарын олон иргэдийг хүлээн авсан. Уулзалтаар иргэд иргэний танхимын ажлыг идэвхжүүлэх, ойн нөхөрлөл байгуулах санал, газар эзэмших, гэр олгох, дүүргийн ахмадууд өөрсдийн мөнгөн сантай болох, Цамбагаравын арын байрыг буулгах зэрэг олон асуудлыг ярилаа.
Олон иргэн хашааны газрын өмчлөлтэй холбоотой санал хүсэлт тавьсан тул дүүргийн Өмч, газрын харилцааны албаны газар зохион байгуулагч Д.Пүрэвсүрэнтэй уулзуулж иргэдэд газар өмчлүүлэх боломжийг судалж үзэх үүрэг даалгавар өгсөн байна.
Жил бүр уламжлал болгон явагддаг ерөнхий боловсролын сургуулийн Уран хөдөлгөөнт гимнастикийн дүүргийн аварга шалгаруулах тэмцээн бага, дунд насны ангилалаар 2013 оны 03 дугаар сарын 29-нд Ирээдүй цогцолбор 1-р бага сургуулийн зааланд боллоо.
Тэмцээнд 13 сургуулийн 465 тамирчин оролцсоноос бага насны ангилалд 1-р байрт Т.Цэрэн дасгалжуулагчтай Ирээдүй цогцолбор I баг, 2-р байрт Б.Энхтуяа дасгалжуулагчтай Ирээдүй цогцолбор II баг, 3-р байрт Р.Алтанхуяг дасгалжуулагчтай 106-р сургууль орсон бол багийн нэгдсэн дүнгээр тэргүүн байранд Т.Цэрэн дасгалжуулагчтай Ирээдүй цогцолбор сургууль, дэд байранд Р.Алтанхуяг дасгалжуулагчтай 106-р сургууль, гуравдугаар байранд Д.Отгонцагаан дасгалжуулагчтай 12-р сургуулийн баг тамирчид эзлэн амжилт гаргажээ. Дунд насны ангилалд Б.Дуламсүрэн дасгалжуулагчтай Ирээдүй цогцолбор 1-р дунд сургуулийн тамирчид нэгдүгээр байр, Ц.Ганбаатар дасгалжуулагчтай Ирээдүй цогцолбор 2-р дунд сургуулийн тамирчид хоёрдугаар байр, Д.Отгонцагаан дасгалжуулагчтай 12-р сургууль гуравдугаар байрт орж багийн дүнгээр тэргүүн байранд Б.Дуламсүрэн дасгалжуулагчтай Ирээдүй цогцолбор сургуулийн баг, дэд байранд Д.Отгонцагаан дасгалжуулагчтай 12-р сургууль, гуравдугаар байранд Б.Хулан дасгалжуулагчтай 9-р сургууль шалгаран алт, мөнгө, хүрэл медалийн эздээр тодорч Нийслэлийн шигшээ тэмцээнд оролцох эрхээр шагнуулжээ.
Сонгинохайрхан дүүргийн 2013 оны Аэробикийн аварга шалгаруулах тэмцээн 3 дугаар сарын 29-нд Ирээдүй цогцолбор сургуулийн спорт зааланд боллоо. Багийн болон гурвалсан төрлөөр өрсөлдсөн тус тэмцээнд 12 сургуулийн 108 тамирчид оролцсон байна.
Багийн төрлөөр 1-р байранд Ц.Ганбаатар дасгалжуулагчтай Ирээдүй цогцолбор сургуулийн II баг, 2-р байранд Б.Дуламсүрэн дасгалжуулагчтай Ирээдүй цогцолбор сургуулийн I баг, 3-р байранд Д.Санжмятав дасгалжуулагчтай 106-р сургуулийн баг тус тус эзэлсэн бол багийн нэгдсэн дүнгээр тэргүүн байранд Ц.Ганбаатар дасгалжуулагчтай Ирээдүй цогцолбор сургуулийн баг, дэд байранд Д.Санжмятав дасгалжуулагчтай 106-р сургууль, гуравдугаар байранд Б.Бадамханд дасгалжуулагчтай 65-р сургуулийн баг орлоо. Гурвалсан төрлөөр нэгдүгээрт Т.Цэрэн дасгалжуулагчтай Ирээдүй цогцолбор 80-р сургууль, хоёрдугаарт Б.Бадамханд дасгалжуулагчтай 65-р сургууль, гуравдугаарт Ирээдүй цогцолбор I баг эзэлсэн байна. Багийн дүнгээр Т.Цэрэн дасгалжуулагчтай Ирээдүй цогцолбор тэргүүн байр, Б.Бадамханд дасгалжуулагчтай 65-р сургууль дэд байр, Д.Санжмятав дасгалжуулагчтай 106-р сургууль гуравдугаар байранд тус тус шалгарч медаль, цом, мөнгөн шагналаар шагнагдаж, Нийслэлийн шигшээ тэмцээнд оролцох эрхтэй болжээ.
НИЙСЛЭЛИЙН ЗАСАГ ДАРГЫН 2013 ОНЫ 03 ДУГААР САРЫН 28-НЫ ӨДРИЙН А/335 ТООТ ЗАХИРАМЖЫН ДАГУУ ГАЗАР ӨМЧЛӨЛИЙН АЖЛЫГ ЭРЧИМЖҮҮЛЭХ ЗОРИЛГООР "ГЭР ХОРООЛОЛЫН ХАШААНЫ ГАЗРЫН ӨМЧЛӨЛ
БА ЭРХИЙН БҮРТГЭЛИЙН АЖИЛ" - ЫГ ЗОХИОН БАЙГУУЛЖ БАЙГАА ТУЛ 2013.04.02, 2013.04.04 ӨДРҮҮДЭД ИРГЭД ХҮЛЭЭН АВАХГҮЙ БОЛОХЫГ МЭДЭГДЬЕ.
СОНГИНОХАЙРХАН ДҮҮРГИЙН ӨМЧ, ГАЗРЫН ХАРИЛЦААНЫ АЛБА
Нийслэлийн ЗДТГ-аас жил бүр уламжлал болгон зохион байгуулдаг “Авто машингүй өдөр” арга хэмжээ 3 сарын 31-ний өдөр буюу өнгөрсөн ням гаригт боллоо.” Авто машингүйгээр цэвэр агаарт хамтдаа” уриан доор зохиогдсон тус арга хэмжээнд Сонгинохайрхан дүүргийн Засаг даргын тамгын газар зохион байгуулалт сайтай, идэвхитэй оролцсон юм.
Тус арга хэмжээний үеэр 10:00-17:00 цагийн хооронд Баруун 4 замаас Зүүн 4 замын уулзвар, Бага тойруугийн Хувьсгалчдын өргөн чөлөө-Залуучуудын өргөн чөлөө, Сөүлийн гудамжны автозамын хөдөлгөөнийг хязгаарлан нийслэлийн 6 дүүрэг хуваарилагдсан байршилд өөрсдийн үйл ажиллагаагаа явуулсан.
Сонгинохайрхан дүүргийн хувьд Номин их дэлгүүрийн өмнөх талбайд тус өдөрлөгт зориулсан үйл ажиллагаа явуулсан. “Anymone”, амьд хөгжмийн “Stay” хамтлагууд, “Дижитал” хамтлагийн дуучин Эрка нар ая дууны мэнд дэвшүүлж, дүүргийн Эрүүл мэндийн нэгдлийн хамт олноос амьсгалын дасгал, эмнэлгийн анхны болон амилуулах суурь тусламж үзүүлэх сургалт зэрэг олон арга хэмжээ зохион байгууллаа. Хэдийгээр цастай байсан ч Сонгинохайрхан дүүргийн нутаг дэвсгэрт үйл ажиллагаагаа явуулдаг унадаг дугуйн монгол брэнд “Атилла” компанийнхан дугуйн үзүүлэх тоглолт явуулж, 1000 дугуйн парадад Сонгинохайрханчуудыг дугуйгаар ханган оролцуулсан юм.
Цастай, цэвэр агаар сэнгэнэсэн нэгэн өдрийг нийслэлчүүд автомашингүйгээр гэр бүлээрээ амарч зугаалан сайхан өнгөрөөлөө.
Хэвлэл мэдээлэл, олон нийттэй харилцах алба
