Дүүргийн Засаг даргын дэд бүтцийн асуудал хариуцсан орлогч Э.Ууганцэцэгээр ахлуулсан ажлын хэсэг өчигдөр /2021.06.24/ 32 дугаар хороонд ажиллалаа. Тус хороо нь дүүргийн мал, амьтны аж ахуй эрхлэхийг хориглосон бүс юм.

 

Тиймээс энэ бүсэд амьтны халдварт, гоц халдварт өвчин гарах, тархахаас урьдчилан сэргийлэх зорилгоор дүүргийн хөдөө аж, ахуйн хэлтэс, мэргэжлийн хяналт, мал эмнэлэг, газрын албаны мэргэжилтнүүд тус хорооны Засаг даргын хамт мал бүхий иргэдтэй уулзаж, хориглосон бүсээс өөрийн эзэмшлийн мал, амьтныг наймдугаар сарын 1-ны өдрөөс өмнө гаргах албан мэдэгдлийг хүлээлгэн өглөө.

Энэ үеэр дүүргийн зүгээс тус хорооны мал бүхий иргэдэд олгох газар, нийгмийн асуудлыг хэрхэн шийдвэрлэх боломжтой талаар тайлбарлан, тэдний байр суурийг сонссон юм. Мөн хориглосон бүсэд мал аж ахуй эрхэлдэг иргэдийг малаа, хотоос гаргах шаардах хуудас, албан мэдэгдлийг дүүрэг, хорооны удирдлагууд хоёр жилийн өмнөөс хүргүүлж эхэлсэн бөгөөд энэ удаагийн албан мэдэгдлийн хэрэгжилтийг ямар ч шалтгаанаар хойшлуулж болохгүй.

Хэрвээ шийдвэрийг эс биелүүлэх тохиолдолд хууль тогтоомжийн хэрэгжилтийг хангуулах зорилгоор албадан гаргах арга хэмжээ авахыг Дүүргийн Засаг даргын дэд бүтцийн асуудал хариуцсан орлогч Э.Ууганцэцэг анхаарууллаа.

 

Төрийн үйлчилгээ - Иргэн танд

Дүүргийн статистик мэдээлэл

Хүн амын тоо
335,703
Эрэгтэй
165542
Эмэгтэй
170161
Өрхийн тоо
94,132
Хүн амын нягтаршил
22,9 хүн/га
Аж ахуйн нэгж байгууллага
15,348
Авто машины тоо
64,969
Малын тоо
80,712
Өрхийн ам бүлийн тоо
4.0
Төрөлт
7600