Бидний хайр хүндэтгэлийг хүлээсэн, хамтран зүтгэгч, дотны анд, журамт нөхөр Нийслэлийн Сонгинохайрхан дүүргийн 24-р хорооны Засаг дарга Лхагважавын Төмөрбаатар нь 2021 оны 05 дугаар сарын 30-ны өдөр ажил үүргээ гүйцэтгэж яваад өвчний улмаас таалал төгсөж бидэнд нөхөж баршгүй хүнд гарз тохиолоо. Л.Төмөрбаатар нь 1965 оны гуравдугаар сарын 22-ны өдөр Завхан аймгийн Завхан мандал суманд төрсөн.

 

 

Тэрээр 1996-2000 онд 10-р хорооны Засаг дарга, 2000-2007 онд 7-р хорооны Засаг дарга, 2007 оноос хойш 24-р хорооны Засаг даргын үүрэгт ажлыг гүйцэтгэн, өөрийн хариуцсан ажилдаа идэвх зүтгэлтэй, санаачилгатай, үр бүтээлтэй ажилласан бөгөөд байгууллага хамт олныхоо итгэл найдварыг хүлээсэн манай тэргүүний мэргэшсэн ажилтан байлаа. Түүний хөдөлмөр зүтгэлийг төр засгаас өндрөөр үнэлж, 1991-2001 онд Ардын хувьсгалын 70, 80, 90 жилийн ойн медаль, 2006 онд Их Монгол улс байгуулагдсаны 800 жилийн ойн медаль, 2007 онд Хөдөө аж ахуйн хүнсний үйлдвэрийн тэргүүний ажилтан, 2007 онд Хөдөлмөрийн хүндэт медаль, 2011 онд Залуучуудын хөдөлгөөн үүсч хөгжсөний 90 жилийн ойн медаль, Алтан гадас, Хөдөлмөрийн гавьяаны улаан тугийн одонгоор тус, тус шагнагдаж байсан.

 

Түүний эгэл даруу, шударга, ажилч хичээнгүй, хүнлэг, нөхөрсөг гэгээн дүр төрх бид бүхний сэтгэл зүрхэнд үүрд мөнхөд дурсагдан үлдэнэ. Талийгаачийн гэр бүл, үр хүүхэд, ах дүү, төрөл төрөгсдөд гүн эмгэнэл илэрхийлье!

 

СОНГИНОХАЙРХАН ДҮҮРГИЙН ИРГЭДИЙН ТӨЛӨӨЛӨГЧДИЙН ХУРАЛ

 

СОНГИНОХАЙРХАН ДҮҮРГИЙН ЗАСАГ ДАРГЫН ТАМГЫН ГАЗАР

 

 

Төрийн үйлчилгээ - Иргэн танд

Дүүргийн статистик мэдээлэл

Хүн амын тоо
335,703
Эрэгтэй
165542
Эмэгтэй
170161
Өрхийн тоо
94,132
Хүн амын нягтаршил
22,9 хүн/га
Аж ахуйн нэгж байгууллага
15,348
Авто машины тоо
64,969
Малын тоо
80,712
Өрхийн ам бүлийн тоо
4.0
Төрөлт
7600