Сахилга хариуцлага, ажлын үр дүнг

сайжруулах тухай

2022.06.28                                          Дугаар A/366                                Улаанбаатар хот

Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 66 дугаар зүйлийн 66.1 дэх хэсэг, Төрийн албаны тухай хуулийн 37 дугаар зүйлийн 37.1, 40 дүгээр зүйл, Засгийн газрын 2019 оны “Төрийн захиргааны болон үйлчилгээний албан хаагчийн ёс зүйн дүрэм батлах тухай” 33 дугаар тогтоолыг тус тус үндэслэн ЗАХИРАМЖЛАХ нь:

1.Дүүргийн 21 дүгээр хороо Жаргалант тосгоны захирагчийн ажлын алба болон төсөвт байгууллагуудын төрийн анхан шатны ажил, үйлчилгээг иргэдэд хүргэх төрийн болон нийгмийн үйлчилгээний чанар, үр ашгийг дээшлүүлэх, ажлын хариуцлага, сахилга, дэг журмыг чангатгах, сайжруулан шаардлагатай арга хэмжээг авч ажиллахыг дараах байгууллагын удирдлагуудад үүрэг болгосугай.

1.1.Дүүргийн 21 дүгээр хороо буюу Жаргалант тосгоны Захирагчийн ажлын албанд:

1.1.1.Албан хаагчдад хууль тогтоомжоор хориглосон үйлдэл гаргах, үйл ажиллагаа явуулах, ажил үүргийг цалгардуулах зэрэг зүй бус үйлдэл, ёс зүйн зөрчил, зан харилцааны доголдол гаргахгүй байхад онцгой анхаарч захиргааны болон үйлчилгээний албан хаагчийн ёс зүйн дүрмийг байгууллага үйл ажиллагаандаа чанд мөрдөн иргэд, үйлчлүүлэгчтэй зөв боловсон харилцаж, түргэн шуурхай ажиллаж, үйл ажиллагааны чанар, хүртээмжийг сайжруулах;

1.1.2.Албан бичгийг стандартын дагуу хөтлөх;

1.1.3.Сахилга бат, ажлын цаг ашиглалтыг сайжруулах;

1.1.4.Хэсгийн ахлагч нар судалгаа тайланг үнэн зөв гаргаж, иргэдэд мэдээ, мэдээллийг бодитой хүргэх;

1.1.5.Холбогдох байгууллагуудад мэдээ мэдээллийг үнэн зөв уламжилж шийдвэрлэх арга хэмжээнд өөрсдийн зүгээс хяналт тавих;

1.1.6.Хорооны айл өрх, аж ахуйн нэгж, байгууллагуудын малын гаралтай хог хаягдлыг Барын аманд буулгаж хэвшүүлэх;

1.1.7.Мал аж ахуй, газар тариалангийн чиглэлийн статистик мэдээ, судалгаанд Хэсгийн ахлагч, мэдээ, судалгааны ажилтнууд хариуцлагатай хандаж, иргэдэд чирэгдэлгүй ажиллах;

1.1.8.Хорооны айл өрх, аж ахуйн нэгж, байгууллагын ахуйн хог хаягдлыг сард 2 удаагийн давтамжтайгаар тогтмол ачиж тээвэрлэх, үүсмэл болон хур хогийн цэг үүсгэхгүй байх тал дээр хяналт тавих холбогдох байгууллагатай хамтран ажиллах.

1.2.Дүүргийн 74, 121 дүгээр сургуулиудад:

1.2.1.Дотуур байрны хүүхдийн хоолны зардал 1 хоногийн 3475 төгрөг байгаа нь хүүхдийн хоногт авах хүнсний илчлэг, нормыг хангаж чадахгүйд хүрч байгааг холбогдох газруудад уламжлан шийдвэрлүүлэх;

1.2.2.Сургуулийн интернэтийг шилэн кабелийн сүлжээнд холбох асуудлаар холбогдох байгууллагуудад уламжлан шийдвэрлүүлэх;

1.2.3.Дүүргийн 74 дүгээр сургуулийн цахилгааны их засварын асуудлаар холбогдох байгууллагуудад уламжлан шийдвэрлүүлэх;

1.2.4.Сургуулийн багш, албан хаагчдын дунд байгууллагын удирдлага, үйл ажиллагаатай холбоотой сэтгэл ханамжийн судалгааг 2022-2023 оны хичээлийн жил эхлэх үеэр зохион байгуулж, холбогдох арга хэмжээг авч ажиллах;

1.2.5.Багш, ажилчдын ёс зүйн дүрмийн хэрэгжилтийг хангаж ажиллах.

1.3.Дүүргийн 116 дугаар цэцэрлэгт:

1.3.1.Багш, ажилчдын ёс зүйн дүрмийн хэрэгжилтийг хангаж ажиллах;

1.3.2.Хүүхдийн хоол хүнсний аюулгүй байдлыг хангах зорилгоор сүүний хөргүүр шинээр худалдан авахад шаардлагатай 2,8 сая төгрөгийн зардлыг холбогдох байгууллагуудад уламжлан, шийдвэрлүүлэх;

1.3.3.Багшийн ёс зүйтэй холбоотой эцэг эх, иргэдээс ирүүлсэн өргөдөл гомдлыг үндэслэн, тодорхой арга хэмжээг авч, гомдлын хариуг албан бичгээр хариуг хүргүүлэх;

1.3.4.Дүүргийн 116 дугаар цэцэрлэгийн багш, албан хаагчдын дунд байгууллагын удирдлага, үйл ажиллагаатай холбоотой сэтгэл ханамжийн судалгааг 2022-2023 оны хичээлийн жил эхлэх үеэр зохион байгуулж, холбогдох арга хэмжээг авч ажиллах.

1.4.Жаргалант тосгоны эрүүл мэндийн төвд:

1.4.1.Тосгоны эрүүл мэндийн төвд ажиллаж байгаа эмч, эмнэлгийн ажилтнуудыг давтан сургах, мэргэшүүлэх, нарийн мэргэжлээр сургах, ажлыг холбогдох дээд шатны байгууллагатай хамтран ажлын байранд зохион байгуулах;

1.4.2.Байгууллагын соёлыг төлөвшүүлэх, хамт олны харилцаа, хандлага, ёс зүйг сайжруулах ажлын байран дахь сургалтуудыг тогтмол зохион байгуулах;

1.4.3.Ажилтнуудын ажиллах, амьдрах нөхцөлийг сайжруулах, нийгмийн асуудлыг шийдвэрлүүлэх талаар төсөл, хөтөлбөр боловсруулж холбогдох байгууллагад уламжлан, шийдвэрлүүлэх;

1.4.4.Эмнэлгийн барилгын засварын төсвийг 2023 оны төсөвт тусгуулах хэлбэрээр шийдвэрлэх;

1.4.5.Иргэдийн эрүүл мэндийн боловсролыг нэмэгдүүлэх сургалтын арга хэмжээг тогтмолжуулах, эрүүл мэндийн нийгмийн ажилтныг сургах, дадлагажуулах;

1.4.6.Эрүүл мэндийн тухай хууль, эмнэлгийн тусламж үйлчилгээ үзүүлэх тухай хууль бусад хууль тогтоомж, дүрэм журмын хэрэгжилтийг хангаж ажиллах.

2.Дээрх байгууллагуудын үйл ажиллагаанд хяналт тавьж, мэргэжил арга зүйн зөвлөгөө өгч ажиллахыг Төрийн захиргааны удирдлагын хэлтэс              (Т.Бат-Оргил), Нийгмийн хөгжлийн хэлтэс (Ч.Энххорол), Хөдөө аж ахуйн тасаг (С.Мижиддорж), Агаарын бохирдолтой тэмцэх тасаг (Ж.Нямхүү)-т тус тус үүрэг болгосугай.

            3.Захирамжийн хэрэгжилтэд хяналт тавьж, үр дүнг 2022 оны 8 дугаар сарын 25-ны өдрийн дотор танилцуулахыг Засаг даргын Тамгын газар (Д.Төмөрбаатар)-т үүрэг болгосугай.

ЗАСАГ ДАРГА                                                  Н.АЛТАНШАГАЙ

Дүүргийн Орон нутгийн хөгжлийн сангийн хөрөнгөөр 2022 онд хэрэгжүүлэх төсөл арга хэмжээг гүйцэтгэх хуулийн этгээдтэй Засгийн газрын 2021 оны 124 дүгээр тогтоолын дагуу шууд худалдан авалт хийхээр зар хүргэж байна. Зохих шаардлага хангасан хуулийн этгээд 06 дугаар сарын 17-ны дотор Засаг даргын Тамгын газарт хүсэлтээ ирүүлнэ үү.

Хуулийн этгээдэд тавигдах шаардлага:

·         Хүсэлт /үнийн санал/

·         Улсын бүртгэлийн гэрчилгээ /Хуулийн этгээд/

·         Ажлын туршлага жагсаалтаар /хийж гүйцэтгэсэн ажлын жагсаалт, гүйцэтгэсэн он, үнэ/

Лавлах утас: /Засаг даргын Тамгын газрын ТГУХ-ийн мэргэжилтэн Д.Мөнгөндалай Утас:70173135/ 

Ажлын жагсаалт

Дүүргийн Орон нутгийн хөгжлийн сангийн хөрөнгөөр 2022 онд хэрэгжүүлэх төсөл арга хэмжээг гүйцэтгэх хуулийн этгээдтэй Засгийн газрын 2021 оны 124 дүгээр тогтоолын дагуу шууд худалдан авалт хийхээр зар хүргэж байна. Зохих шаардлага хангасан хуулийн этгээд 04 дүгээр сарын 29-ний дотор Засаг даргын Тамгын газарт хүсэлтээ ирүүлнэ үү.

Хуулийн этгээдэд тавигдах шаардлага:

·         Хүсэлт /үнийн санал/

·         Улсын бүртгэлийн гэрчилгээ /Хуулийн этгээд/

·         Ажлын туршлага жагсаалтаар /хийж гүйцэтгэсэн ажлын жагсаалт, гүйцэтгэсэн он, үнэ/

Лавлах утас: /Засаг даргын Тамгын газрын ТГУХ-ийн мэргэжилтэн Д.Мөнгөндалай Утас:99834777/ 

Ажлын жагсаалт

Ажлын хэсэг байгуулах тухай

2022.03.09                                          Дугаар A/107                                Улаанбаатар хот

Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 66 дугаар зүйлийн 66.1, Гамшгаас хамгаалах тухай хуулийн 6 дугаар зүйлийн 6.1.1, 7 дугаар зүйлийн 7.1, 7.6, 32 дугаар зүйлийн 32.1.1, 32.1.8, 32.1.12 дахь заалт, нийслэлийн Засаг даргын 2022 оны А/341 дүгээр захирамжийг тус тус үндэслэн ЗАХИРАМЖЛАХ нь:

1.“Аюулгүй гамшигт тэсвэртэй хотыг бий болгох нь” санаачилгыг хэрэгжүүлэх ажлын хүрээнд гамшгаас урьдчилан сэргийлэх, эрсдэлийг бууруулах зорилгоор нөхцөл байдлын мэдээг цуглуулах, болзошгүй эрсдэлийг тодорхойлж, зөвлөмж гаргах үүрэг бүхий ажлын хэсгийн бүрэлдэхүүнийг 1 дүгээр, удирдамжийг 2 дугаар, хөтөлбөрийг 3 дугаар хавсралтаар тус тус баталсугай.

2.Нэгдсэн Үндэстний байгууллагын Гамшгийн эрсдэлийг бууруулах газраас гаргасан “Хотуудын гамшгийг тэсвэрлэх чадавхыг онооны аргаар үнэлэх” аргачлалын дагуу үнэлэх ажлыг 2022 оны 3 дугаар сарын 10, 11-ний өдрүүдэд зохион байгуулж, нэгдсэн удирдлагаар хангаж ажиллахыг Онцгой байдлын хэлтсийн дарга (хурандаа А.Алтансүх)-д үүрэг болгосугай. 

3.Захирамжийн хэрэгжилтэд хяналт тавьж ажиллахыг дүүргийн Дэд бүтцийн асуудал хариуцсан Засаг даргын орлогч (Э.Ууганцэцэг)-д даалгасугай.

ДАРГА                                                   Н.АЛТАНШАГАЙ

Татвар, төлбөр хураах ажлыг

зохион байгуулах тухай

2022.03.02                                          Дугаар A/89                                 Улаанбаатар хот

            Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 62 дугаар зүйлийн 62.1.1, 66 дугаар зүйлийн 66.1, Монгол улсын Авто тээврийн болон өөрөө явагч хэрэгслийн албан татварын хуулийн 7 дугаар зүйлийн 7.1, 8 дугаар зүйлийн 8.2, Агаарын бохирдлын төлбөрийн тухай хуулийн 9 дүгээр зүйлийн 9.3, Авто замын тухай хуулийн 12 дугаар зүйлийн12.1.3, 25 дугаар зүйлийн 25.2.5, Нийслэлийн Засаг даргын 2022 оны 02 дугаар сарын 10-ны өдрийн А/156 дугаар захирамжийг тус тус үндэслэн ЗАХИРАМЖЛАХ нь:

1.Нийслэлийн төсвийг бүрдүүлэх, хуулийн хэрэгжилтийг хангах зорилгоор дүүрэгт бүртгэлтэй бүх төрлийн авто тээврийн болон өөрөө явагч хэрэгслийн албан татвар, агаарын бохирдлын төлбөр, авто зам ашигласны төлбөр хураах ажлыг 2022 оны 6 дугаар сарын 01-ний өдрийг хүртэлх хугацаанд зохион байгуулсугай.

2.Дүүргийн авто тээврийн болон өөрөө явагч хэрэгслийн албан татвар, агаарын бохирдлын төлбөр, авто зам ашигласны төлбөр хураах ажлыг зохион байгуулах ажлын хэсгийн бүрэлдэхүүнийг хавсралтаар баталсугай.

3.Дараах арга хэмжээ авч хэрэгжүүлэхийг доор дурдсан байгууллага, албан тушаалтанд даалгасугай:

3.1.Албан татвар, төлбөр хураах албан хаагчийг томилон, удирдлага арга зүйгээр ханган дүүргийн Татварын хэлтсийн нэг цэгийн үйлчилгээгээр дамжуулан албан татвар, төлбөр төлөгчдөд хүндрэл чирэгдэлгүй үйлчилгээ үзүүлэх, дүүргийн Замын цагдаагийн хэлтсийг холбогдох мэдээллээр хангаж ажиллахыг дүүргийн Татварын хэлтэс (Д.Базар)-т;

3.2.Албан татвар, төлбөр төлөөгүй авто тээврийн хэрэгслийг 2022 оны 06 дугаар сарын 01-ний өдрөөс 06 дугаар сарын 30-ны өдрийн хооронд хяналт тавьж, замын хөдөлгөөнд оролцуулахгүй байх арга хэмжээ авч, дутуу төлөлтийг хураан барагдуулах, хариуцлага тооцох хяналт шалгалтыг хамтран зохион байгуулахыг дүүргийн Татварын хэлтэс (Д.Базар), Дүүрэг дэх Цагдаагийн газар    (Д.Батчулуун)-т;

3.3.Албан татвар, төлбөр хураах ажилд хариуцсан нутаг дэвсгэрийн тээврийн хэрэгсэл эзэмшигч иргэн, аж ахуй нэгжийн судалгааг гаргаж хуулийн хугацаанд бүрэн хамруулахыг хороодын Засаг дарга нарт;

3.4.Дүүргийн хэмжээнд авто тээврийн болон өөрөө явагч хэрэгслийн албан татвар, агаарын бохирдлын төлбөр, авто зам ашигласны төлбөр төлсний дараагаар өмчлөгчийн нэр шилжүүлэх, техникийн хяналтын үзлэг оношлогоонд хамруулж ажиллахыг Авто тээврийн Үндэсний төвийн Сонгинохайрхан салбар (С.Давааням)-т;

3.5.Албан татвар, төлбөр хураахтай холбогдсон мэдээлэл, сурталчилгааг хэвлэл мэдээллийн хэрэгсэл, үүрэн телефоны оператораар дамжуулан ашиглан тээврийн хэрэгсэл эзэмшигчдэд мессежээр мэдээлэл хүргэх, тээврийн хэрэгслийн нэгдсэн цахим үйлчилгээ “smartcar.mn”, татварын удирдлагын нэгдсэн систем     “e-tax.mta.mn”, “itax.mta.mn”систем, “и-баримт” гар утасны аппликейшн, гэрэгэ киоск, пос терминал төхөөрөмж ашиглан албан татвар, төлбөр төлөх талаар зар сурталчилгааг хэвлэл мэдээллийн хэрэгслээр тогтмол мэдээлж сурталчлах ажлыг зохион байгуулахыг дүүргийн Татварын хэлтэс (Д.Базар), дүүргийн Засаг даргын Тамгын газрын Хэвлэл мэдээлэл, олон нийттэй харилцах төв (Б.Оюунгэрэл)-д;

4.Авто тээврийн болон өөрөө явагч хэрэгслийн албан татвар, агаарын бохирдлын төлбөр, авто зам ашигласны төлбөр хураах ажлыг хороо болон нутаг дэвсгэрийн зарчмаар хуулийн хугацаанд зохион байгуулж, холбогдох төсөвт төвлөрүүлж үр дүнг Засаг даргын зөвлөлийн хуралд танилцуулахыг Ажлын хэсэг  (Б.Мягмарсүрэн)-т үүрэг болгосугай.

ЗАСАГ ДАРГА                                                  Н.Алтаншагай

ТЕНДЕРИЙН УРИЛГА

Сонгинохайрхан дүүргийн Худалдан авах ажиллагааны алба нь тендерийн баримт бичигт заасан шалгуур үзүүлэлт, шаардлагыг хангасан хуулийн этгээдийг Гэрэлтүүлгийн ажил (СХД, 24 дүгээр хороо)-ыг гүйцэтгэх тухай тендер ирүүлэхийг урьж байна.

Тендер шалгаруулалт нь дараах багцуудаас бүрдэнэ: Үгүй

Сонирхогч этгээд худалдан авах ажиллагааны цахим системээр тендерийн баримт бичигтэй үнэ төлбөргүй танилцах эрхтэй бөгөөд тендерийн баримт бичгийн үнийг төлснөөр тендер шалгаруулалтад оролцох эрхтэй болно.

Тендер нь түүнийг нээснээс хойш 30 ба түүнээс дээш хоногийн хугацаанд хүчинтэй байхаар тендерт заах ба 2,000,000 (хоер сая) төгрөгөөс багагүй үнийн дүнтэй тендерийн баталгаа ирүүлнэ.  

Тендерийг 2022 оны 04 дүгээр сарын 01-ний өдөр 10 цаг 00 минутаас өмнө тендерийн баримт бичигт заасан хэлбэрээр ирүүлэх ба тендерийн нээлтийг 2022 оны 04 дүгээр сарын 01-ний өдрийн, 10 цаг 10 минутад зохион байгуулна.

Гадаадын этгээд тендер ирүүлэх эрхтэй эсэх: Эрхгүй

Урьдчилсан худалдан авах ажиллагааны урилга эсэх: Үгүй

Тендерт оролцогч нь Санхүүгийн болон туршлагын дараах шаардлагыг хангасан байна.

      Үүнд:

-       2020, 2021 оны аль нэг жилд төсөвт өртгийн 50 хувиас багагүй үнийн дүнтэй ижил төстэй ажлыг доод тал нь нэг удаа хийж гүйцэтгэсэн байх;

-        2020, 2021 оны борлуулалтын орлогын дундаж нь төсөвт өртөгийн 50 хувиас багагүй    байх;

     -    Төсөвт өртгийн 30 хувиас багагүй түргэн хөрвөх хөрөнгөтэй байна.

Сонирхсон этгээд тендерийн баримт бичигтэй холбоотой тодруулга, нэмэлт мэдээлэл авах хүсэлтийг доорх хаягаар хүргүүлж болно.

Сонгинохайрхан дүүрэг, 27 дугаар хороо,                                                                                        Баянгол 1 гудамж, Нутгийн захиргааны нэгдсэн байр,                                                            Сонгинохайрхан дүүргийн Худалдан авах ажиллагааны алба                                                                                                     Утас: 70000717, 7000 0771