Сонгинохайрхан дүүргийн Жижиг, дунд үйлдвэрийг дэмжих мэдээлэл, сургалтын төв нь дүүргийнхээ үйлдвэрлэл эрхлэгчидтэй хамтран ажиллаж, гарааны бизнес бүрийг дэмжин ажиллахыг зорьдог билээ.
Тиймээс Жижиг, дунд үйлдвэрийг дэмжих мэдээлэл, сургалтын төвийн захирал Ц.Болормаа, ерөнхий менежер Б.Алтанбаяр нар хүлэмжийн аж ахуй эрхлэгч 21-р хорооны иргэн Т.Батчимэгийн тариалангийн талбайд ажиллалаа. Хүлэмжийн аж ахуй эрхлэгч Т.Батчимэг нь тариалан эрхлээд багагүй хугацаа өнгөрсөн бөгөөд хорооныхоо 10 гаруй хүнийг ажлын байраар хангасан байна.
Жижиг, дунд үйлдвэрийг дэмжих, мэдээлэл, сургалтын төвийн хамт олон 21-р хорооны жишиг өрхүүдийн нэг болох Т.Батчимэгийн хүлэмжийн талбайд ажиллах үед тариаланчид энэ жилийн анхны ургацаа хурааж байв. Тэд хүлэмжийн талбайд ажлын байран дээрх хөдөлмөр эрхлэлт, борлуулалтын сувгуудын талаарх зөвлөгөө мэдээлэл солилцлоо.
#СОНГИНОХАЙРХАН_ДҮҮРГИЙН_ЖИЖИГ_ДУНД_ҮЙЛДВЭРИЙГ_ДЭМЖИХ_МЭДЭЭЛЭЛ_СУРГАЛТЫН_ТӨВ
