Нийслэлийн геодизи, барилга байгууламжийн газрын ажилчид үерийн далан, сувгийг цэвэрлэн ажиллаж байна. Өчигдрийн /2021.05.21/ байдлаар 5, 6, 23, 27 дугаар хорооны нийт 3640 метрийн урттай далан сувгийн лаг, хагшаасыг төвлөрсөн хогийн цэг рүү зөөвөрлөлөө. Тодруулбал, энэ сарын 19-нд 6, 23-р хороонд байршилтай Толгойтын намгийн сувгийн төлөвлөгөөт цэвэрлэгээний ажил хийгдэж 6 рейсээр 34 тонн лаг, хагшаасыг төвлөрсөн хогийн цэг руу тээвэрлэсэн байна.
Харин өнөөдөр 5 дугаар хорооны Толгойтын намгийн суваг, далан дээр гар ажилчид цэвэрлэгээ, овоолго бэлтгэн ажиллаж байна. Их хотын иргэн та үерийн хамгаалалтын далан сувагт хог болон угаадас зэргийг бүү хаяарай. Үерийн далан бидний амь нас, эд хөрөнгийг болзошгүй байгалийн гамшиг үерийн аюулаас хамгаалдаг билээ.