Нийслэлийн дүүргүүдийн хувьд төрийн үйлчилгээг иргэдэд хүргэдэг анхан шатны нэгж нь хороод билээ. Сонгинохайрхан дүүргийн хувьд 32 хороотой. Дүүргээс хэрэгжүүлж буй нэгэн томоохон ажил нь хороодоо цогцолбор байртай болгох ажил юм. Энэ ажлын хүрээнд дүүргийн 28 хороо цогцолбор байртай болох асуудал шийдэгдээд байгаа юм. Өнгөрөгч 2014 онд дүүргийн 1, 3, 4, 10, 32 дугаар хороодын цогцолбор байр ашиглалтад орсон юм.
Өнөөдөр буюу 1 дүгээр сарын 09-ний өдөр 9 дүгээр хорооны байрны нээлтийн ажиллагаа боллоо. Нээлтийн ажиллагаанд дүүргийн ИТХ-ын дарга Х.Нямбаатар, Засаг даргын орлогч Н.Ганаа, Ц.Төрхүү, ЗДТГ-ын дарга С.Мөнхчулуун нарын удирдлагууд оролцсон юм.
Хороо, өрхийн эмнэлэгийн цогцолбор байртай болсноор иргэд төрийн үйлчилгээг тав тухтай орчинд авахаас гадна үйлчилгээний төрөл нь харьцангуй нэмэгдэх, өрхийн эмнэлэгийн үйлчилгээний чанар, хүртээмж сайжрах зэрэг олон давуу талтай юм.
.jpg)
.jpg)
.jpg)
