Дүүргийн Онцгой байдлын хэлтсээс Онцгой байдлын Ерөнхий газрын Ахмадын хороотой хамтран Сонгинохайрхан дүүргийн гэр хороолол бүхий 22 хороог хамруулан Гамшиг, гал түймрийн аюулаас урьдчилан сэргийлэх сургалтыг явууллаа. Сургалтад хороодын Засаг дарга нар, зохион байгуулагч, нийгмийн ажилтан, хэсгийн ахлагч, өрхийн эмч, цагдаа, байгаль хамгаалагч, иргэдийг оролцуулан нийт 960 хүнд Гамшиг, гал түймрийн аюулаас урьдчилан сэргийлэх 176 цагийн сургалтыг компьютер, техник, хэрэгсэл ашиглан явуулсан юм. Түүнчлэн хороодын гадаа талбайд объектын болон ой хээрийн түймрийг унтраах дадлага сургуулийг галын хор, багаж зэвсэглэмжээр өөрсдөөр нь унтраалган дадлагжуулах хэлбэрээр сургалтыг зохион байгуулсан байна.
