СОНГИНОХАЙРХАН ДҮҮРГИЙН УДИРДАХ АЖИЛТНУУДЫН 2014 ОНЫ 12
ДУГААР САРЫН 09- НИЙ ӨДРИЙН ШУУРХАЙ ХУРАЛДААН ДЭЭР ДҮҮРГИЙН
ЗАСАГ ДАРГА М.ЧИНБОЛДЫН ӨГСӨН ҮҮРЭГ ДААЛГАВАР
Нэг. Дүүрийн Иргэдийн Төлөөлөгчдийн Хурал энэ сарын 11, 12-нд болох гэж байгаатай холбогдуулж дэргэдэх хэлтэс албад өөр өөрийн чиглэлээр ажлуудаа бэлдэх, чуулганд бэлтгэл ажлыг хангаж идвэхитэй оролцох /Холбогдох хэлтэс, албад/
Хоёр. 2015 оны 1 сараас Шилэн дансны хууль хэрэгжинэ. Үүнтэй холбоотойгоор байгууллагын дарга, холбогдох ажилтнуудад сургалтуудыг явуулах, бэлтгэл ажлыг хангах / Холбогдох хэлтэс, албад/
Гурав. Сайжруулсан зуухны бүс байгуулж, бүсчилж өгөх талаар холбогдох хэлтэс албад танилцуулах / ДБТХ/
Дөрөв. Дүүргийн вэб сайтны “Иргэн таны санал” цахим хуудасны хэлтэс албадтай холбоотой асуудлуудыг танилцуулж байх, иргэдийн бичсэн мэдээллийг овог нэр, утас, хаягтай нь бичүүлдэг болгох /ХМОНХА/
Тав. Дүүргийн хэмжээнд гэмт хэргийн гаралт их буурахгүй өсөлттэй байгаа тул цагдаагийн 3 хэлтсүүд хамтарч гэмт хэрэг бууруулах чиглэлээр ямар ажил хийх тухай чиглэл төлөвлөгөө боловсруулж танилцуулах./ Цагдаагийн 1,2,3-р хэлтсүүд/
Зургаа. Хэлтэс албадууд дүүргээр шийдүүлэх боломжгүй тулгамдсан асуудлуудаа нийслэлийн удидах ажилтнуудын шуурхай зөвлөгөөнд танилцуулж, асуудлуудаа тавьдаг байх./ Холбогдох хэлтэс, албад/
ЗАХИРГАА ХУУЛИЙН ХЭЛТЭС