Монгол Улсын Засгийн газраас санаачилсан “Хүүхэд бүрийг цэцэрлэгт” хөтөлбөрийн хүрээнд Монгол Улсын Ерөнхий сайдын 218 дугаар захирамжаар байгуулагдсан ажлын хэсэг өнөөдөр /2022.08.09/ хороодын Засаг дарга, Цэцэрлэгийн эрхлэгчдийг хамруулсан ээлжит хурал зохион байгууллаа.
Ажлын хэсгийн бүрэлдэхүүн 43 хорооны хаалга тус бүрийн ард байгаа хүүхдийн тоо, хорооны нутаг дэвсгэр дээрх хувийн болон төрийн өмчийн цэцэрлэг, хүүхэд харах үйлчилгээнд бүртгэлтэй хүүхдүүдийн судалгааг гаргаж 2022-2023 оны хичээлийн жилд цэцэрлэгт хамрагдах болон хамрагдахгүй орхигдсон хүүхдүүдийн тоон судалгаанд үндэслэн хороодын хамран суралцаx тойргийн цэцэрлэгийн хүүхдийн ор, нэмэлт анги гаргах нөөц, төрийн өмчийн байруудыг цэцэрлэгийн зориулалтаар ашиглах зэрэг асуудлуудыг хэлэлцлээ. Хурлаар ажлын хэсгийн тоон судалгаа ба бодит нөхцөл байдал дээр цэцэрлэгт хамрагдаж чадахгүй гэртээ үлдэж байгаа хүүхдүүдийг хэрхэн цэцэрлэгт хамруулах боломжит нөөц байгааг хэлэлцэж, дүүргийн Засаг даргын орлогч Д.Ундармаа, Боловсролын хэлтсийн дарга А.Дүүдээ нар хэд, хэдэн чиглэл үүрийг өгч, биелэлтийг шуурхай гүйцэтгэхийг үүрэг болголоо.
 
Сонгинохайрхан дүүргийн хэмжээнд цэцэрлэгийн насны 31788 хүүхэд амьдардаг. Өнгөрсөн хичээлийн жилд тэдний 25 мянга нь цэцэрлэгт хамрагдсан байна. Харин энэ зуны туршид зохион байгуулалт хийж дараах хэлбэрээр хүүхдүүдийг хуваарилан, нэмж авахаар ажиллаж байна.
-Хувийн цэцэрлэг
-Түрээсийн цэцэрлэг
-Худалдан авах цэцэрлэг
-Цомцог гэр төсөл
-Монгол гэр цэцэрлэг
-Бүлэг нэмэх
Энэхүү зохион байгуулалтаар энэ ондоо багтаан цэцэрлэгийн хамрагдалтыг 100 хувьд хүргэхээр зорьж байгаа юм.

Видео

Валютын Ханш

Санал хүсэлт илгээх

Төрийн үйлчилгээ - Иргэн танд

Дүүргийн статистик мэдээлэл

Хүн амын тоо
335,703
Эрэгтэй
165542
Эмэгтэй
170161
Өрхийн тоо
94,132
Хүн амын нягтаршил
22,9 хүн/га
Аж ахуйн нэгж байгууллага
15,348
Авто машины тоо
64,969
Малын тоо
80,712
Өрхийн ам бүлийн тоо
4.0
Төрөлт
7600