Видео

Нийслэлийн Онцгой байдлын газрын Гамшгаас урьдчилан сэргийлэх хэлтсийн дарга, хурандаа Т.Нэргүй: 

Энэ удаагийн гамшгаас хамгаалах иж бүрэн сургууль нь болзошгүй гамшгийн аюулаас хүн, мал, амьтан, эд хөрөнгө, хүрээлэн байгаа орчныг хамгаалах, урьдчилан сэргийлэх, аврах, хор уршгийг арилгах, хойшлуулашгүй сэргээн босгох үйл ажиллагаанд Нийслэлийн нутгийн захиргааны байгууллага, Гамшгаас хамгаалах алба, мэргэжлийн анги, сайн дурын хэсэг, иргэн, хуулийн этгээд, томилгоот бүрэлдэхүүнийг сургах, дадлагажуулах, гамшгаас хамгаалах бэлтгэл бэлэн байдлыг дээшлүүлэх, төлөвлөлтийг боловсронгуй болгох, харилцан ажиллагааг сайжруулах, нүүлгэн шилжүүлэлт, дайчилгааны тогтолцоог тодорхойлох зорилготой. 

http://www.zaluu.com/read/33ee06ahc?fbclid=IwAR2wwY9mOnABAGTlpo6kFls9xelEhscoW99WPIMwZXCizDSbjsfChUY-yOM 

 

     Жил бүрийн 04 дүгээр сарын 15-наас 05 дугаар сарын 15-ны хооронд хаврын цэнэг усалгааны ажил хийгддэг. Залуус Барилгачин гудамжны 5120 м2 зүлэгт талбайд Нийслэлийн захирагчийн ажлын алба болон Тохижилт цэвэрлэгээ үйлчилгээний төв хаврын усалгаа хийж байна. Мөн Өнөр хорооллын 130 улиас модыг шууж хэлбэржүүлэх ажил хийгдэж байна.

"Тээвэрлэлт үйлчилгээний төв" ОНӨААТҮГ 2019 оны 04-р сарын 16-ний өдрийн 29, 32-р хороодын айл өрхийн хог хаягдлыг ачиж тээвэрлэлээ.

Нийслэлийн Онцгой байдлын газар Гамшгаас Урьдчилан сэргийлэх хэлтэс

 

Улаанбаатар хотод газар хөдлөлтийн идэвхжил нэмэгдэж байгаа энэ үед газар хөдлөлтийн аюул занал, нөхцөл байдал, цагийн байдалтай уялдуулж бүх нийтийг хамарсан гамшгаас хамгаалах сургалтыг энэ сарын 24-26 ны өдрүүдэд зохион байгуулах гэж байна. Иргэдийн бэлэн байдлыг хангах, мэдээллээр бүрэн хангагдсан байх үүднээс энэ тухай НОБГ-ын дэд дарга, дэд хурандаа Б.Мягмардоржтой ярилцлаа.

-Гамшгаас хамгаалах иж бүрэн сургалтыг зохион байгуулах ажлын явц ямар байна вэ. Сүүлийн үеийн мэдээллээсээ хуваалцахгүй юу?

-Нийслэлд сүүлийн 30 гаруй жил хийгдэж байгаагүй гамшгаас хамгаалах иж бүрэн сургалт зохион байгуулахаар төлөвлөж байна. Монгол Улсын Засгийн газрын хуралдаанаар тогтоол гарсан. Энэ тогтоолд төрийн алба, яам агентлагуудад гамшгаас хамгаалах иж бүрэн сургалтад оролц гэсэн үүрэг өгсөн. Мөн Монгол Улсын Шадар сайдын 2017 оны гуравдугаар сарын 20-ны өдрийн хоёр дугаар тушаалд нийслэл Улаанбаатарт гамшгаас хамгаалах иж бүрэн сургалт зохион байгуулах удирдах бүрэлдэхүүнийг томилсон. Ажлын хэсгийн дотор тухайн байгууллагын бүх орлогч нар орсон байгаа. Мөн Захирагчийн ажлын алба, ОБЕГ-ын дарга, ЦЕГ-ын дарга нарыг сургалтын удирдах бүрэлдэхүүнээр томилсон байгаа. 14 ажлын хэсгийг байгуулан ажиллаж байна.

-Энэхүү сургалтын зорилго, ач холбогдлыг дүгнэхгүй юу?

-Юун түрүүнд болзошгүй гамшгаас урьдчилан сэргийлэх, гамшигт өртсөн тохиолдолд хохирлыг яаж богино хугацаанд даван туулах чадвар, дадлыг олгоход энэ сургуулилт өндөр ач холбогдолтой юм. Нийслэлд хүүхдүүдэд зориулсан сургуулилтыг олон удаа зохион байгуулж байсан. Харин энэ удаагийнх Засгийн газрын тогтоолын дагуу нийслэлийн бүх иргэдийг хамарсан өндөр зохион байгуулалттай, гамшгаас урьдчилан сэргийлэх томоохон сургууль болох гэж байна

Сүүлийн жилүүдэд гамшгийн тоо давтамж нэмэгдсэнтэй холбоотой газар хөдлөлтийн идэвхжилт явагдсан. Он гараад Богд ууланд таван магнитутын хүчтэй газар хөдлөлт болсон. Энэ байдлыг харгалзан үзээд, газар хөдлөлтийн гамшиг болсон тохиолдолд Улаанбаатар хотын удирдлага юу хийх вэ, Улсын яам, агентлагууд яаж оролцох вэ гэдгийг тодорхойлох шаардлага гарч ирсэн. Гамшгаас хамгаалах сургалтыг газар хөдлөлтийн аюул занал, цагийн нөхцөл байдалтай уялдуулан зохион байгуулна. Уг сургалтын гол зорилго бол иргэдийн болзошгүй аюул занал, тэр тусмаа газар хөдлөлтийн аюулаас хамгаалах, цаашлаад хохирол багатай даван туулах чадвартай болгох ач холбогдолтой.

      Монгол Улсын Ерөнхий сайд У.Хүрэлсүх, салбар хариуцсан сайдууд, Нийслэлийн засаг дарга бөгөөд Улаанбаатар хотын захирагч С.Амарсайхан нар  албаны хүмүүсийн хамтаар өнөөдөр  Сонгинохайрхан дүүргийн 8 дугаар хорооны нутаг дэвсгэрт шинээр баригдсан 261 дугаар цэцэрлэгээр зочилж, багш ажиллагсадтай уулзаж, тэдний өмнө тулгамдаад буй асуудлыг сонсон, санал солилцож, бяцхан багачуудын урлагийн тоглолтыг үзэж сонирхлоо.

     Цэцэрлэгийн удирдлагын зүгээс сургуулийн өмнөх насныханд зориулагдах сургалтын материал бэлдэхэд нэн шаардлагатай компьютер, техник хэрэгсэл хүссэн асуудлыг Хотын захирагч С.Амарсайхан газар дээр нь шийдвэрлэж, тус цэцэрлэгийн хамт олонд иж бүрэн гурван ширхэг суурин компьютерийг  шийдэж өгөхөө илэрхийллээ.

Гэр хороолол дунд баригдсан ч орон зай талбайн хувьд өргөн хэмжээтэй, чанар стандартын шаардлагад бүрэн нийцсэн 261 дүгээр цэцэрлэгийг Азийн хөгжлийн банкны санхүүжилтээр барьжээ.  Тус цэцэрлэг нь 41 багш ажилтантайгаар үйл ажиллагаа явуулж, 7 бүлэгт 242 хүүхэд багачуудын хүлээн авч сургуулийн өмнөх боловсрол эзэмшүүлэхээр суралцуулж байгаагийн зэрэгцээ  гадна орчиндоо  биеийн тамирын болон тоглоомын талбай,  ногоон байгууламж, эцэг эхчүүдэд зориулсан авто машины зогсоол  зэргийг бүрэн шийдсэн 1 га талбайтай нь эцэг эхчүүдийн талархалыг хүлээгээд байгаа гэдгийг цэцэрлэгийн эрхлэгч танилцуулгадаа  дурьдлаа.  Мөн багшлах боловсон хүчинг өөрийн дүүрэг, хорооноос  сонгож ажиллуулж байгаа нь  алслагдсан дүүрэгт ажлын байрыг  нэмэгдүүлсэн сайн жишиг болсон гэдгийг албаны хүмүүс онцолж байлаа гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээлэв.

http://ulaanbaatar.mn/Home/newsdetail?dataID=38378 

Монгол Улсын Ерөнхий сайд У.Хүрэлсүх, Уул уурхай, хүнд үйлдвэрийн сайд Д.Сумъяабазар, Нийслэлийн Засаг дарга бөгөөд Улаанбаатар хотын захирагч С.Амарсайхан нар өнөөдөр Сонгинохайрхан дүүрэгт ажиллаж, Баянхошуу дэд төвийн ажилтай танилцлаа.

Баянхошуу дэд төв төслийн хүрээнд байгуулагдсан 240 хүүхдийн цэцэрлэг ашиглалтад орсон бөгөөд 300 оюутан суралцах боломжтой МСҮТ, бизнес инкубатор төв тун удахгүй ашиглалтад орох юм.

Уг төв ашиглалтад орсоноор иргэдэд мэдээлэл хүргэх, өрхийн болон бичил бизнесээ өргөжүүлэх, мэргэшүүлэх сургалтад хамрагдах, гарааны бизнес эрхлэх болон нийслэлийн үйлчилгээний нэгдсэн төвийн шинэ салбараар үйлчлүүлэх боломж бүрдэх юм.

Сонгинохайрхан дүүргийн Засаг дарга Ж.Сандагсүрэнгийн санаачилгаар “Цэцэрлэгт хүрээлэнтэй номын сан” төслийг дүүргийн нутаг дэвсгэрт 4 байршилд байгуулахаар 2 жилийн өмнө эхлүүлсэн. Тэгвэл өнөөдөр тус төслийн 2 дахь номын сан 15-р хороонд нээлтээ хийлээ.  

120м2 талбайтай, 6000 орчим номтой уг номын сан 09:00-18:00 цагын хооронд иргэдэд үйлчилнэ. Номын сан 2-оос дээш насны бүх иргэдэд зориулагдсан тул бага насны хүүхдэд зориулсан зурагт номоос авахуулаад дэлхийн сонгодогууд, хууль дүрмийн эмхэтгэлүүд ч байгаа юм.  

Номын сангаар иргэд чөлөөт цагаараа болон цэцэрлэгт хүрээлэнд хүүхдээ салхилуулахдаа үйлчлүүлэх боломжтой. Энэ талаар Засаг дарга Ж.Сандагсүрэн “Иргэд амралт, чөлөөт цагаараа гэрийнхээ ойр орчимд хүүхдээ салхилуулангаа ном уншаад суух нөхцлийг бүрдүүлэхийг зорьсон. Ном унших гэж номын сан орж цаг алдалгүйгээр гэрийнхээ ойр орчимд салхилах зуураа ном унших боломжтой. Энэ жилдээ багтаад дахин хоёр цэцэрлэгт хүрээлэнтэй номын сан барихаар төлөвлөн ажиллаж байна. Үүний нэг нь Толгойтод байх юм. Номын сан байгуулах санхүүжилтийг зам тавих, гэрэл суурилуулах зэрэг бүтээн байгуулалтын ажилд төсөвлөсөн мөнгөнөөс илүүчилж хийж байгаа. Нийслэлээс тусад нь төсөв гаргуулж байгуулна гэвэл нэг номын санд 300 гаруй сая төгрөгийн төсөв хэрэгтэй болж байна. Ганц номын сан барихад ийм хэмжээний мөнгө төсөвлөх нь таатай биш учраас дүүрэгт хуваарилсан бүтээн байгуулалтын мөнгөнөөс илүүчилж энэ номын санг 150 орчим сая төгрөгт багтаан байгуулж байна” хэмээн ярилаа.  

Уг номын сангийн номнуудыг дүүргийн иргэд болон төрийн албан хаагчид, байгууллага хамт олны хандиваар цуглуулсан бөгөөд ном хандивлах аян цаашид ч үргэлжилж дараагийн 2 номын сангийн номын фондыг үүсгэх юм.

       Энэ онд хэрэгжих хөдөлмөр эрхлэлтийг дэмжих үйлчилгээг иргэдэд танилцуулах өдөрлөгийн арга хэмжээг төвийн бүсийн 8 хороодод хийлээ. Баянхошуу бүсээс өнөөдөр эхэлсэн уг арга хэмжээ маргаашд Толгойт, 12-нд Өнөр бүсийн иргэдэд хүрэх юм.

       Өдөрлөгөөр төсөл хөтөлбөр, ажил олгогч байгууллагуудын нээлттэй ажлын байрны танилцуулга, хөдөлмөр эрхлэлтийн нийтлэг үйлчилгээ, дэмжлэгт хамрагдсан иргэдийн үйлдвэрлэсэн бараа бүтээгдэхүүний үзэсгэлэн худалдаагаар үйлчилж байна.

     Түүнчлэн дүүргийн зүгээс "Иргэн төвтэй хөдөлмөр эрхлэлтийн жил"-ийг зарлан иргэддээ ганц удаагийн бус байнгын эргэх холбоотойгоор үр дүнд чиглэсэн хөдөлмөр эрхлэлтийн нийтлэг үйлчилгээг хүргэж, өрхийн үйлдвэрлэгчдэд санхүүгийн дэмжлэг өгөхөөс илүүтэй ажилгүй, ажил хайгч иргэддээ хөдөлмөрлөх хандлагыг нэмэгдүүлэх, хөдөлмөрт бэлтгэх, бичил бизнес эрхлэгчдэд санхүүгийн бус зөвлөх үйлчилгээг жилийн турш үзүүлж байнгын ажлын байраа тогтвортой хадгалахад төрийн болон төрийн бус байгууллагуудтайгаа хамтран бүх талаар зөвлөн, дэмжин туслах чиглэлийг баримтлан ажиллаж байна. 

     Дүүргийн 24, 25 дугаар хорооны Богинын ам, Ухны ам, Хустайн ам, Их хадатын ам, Бага хадатын аманд байрлах аж ахуйн нэгж, айл өрхүүдэд ой, хээрийн түймрээс урьдчилан сэргийлэх ухуулга сурталчилгааг 2019 оны 4 дүгээр сарын 05-08-ны өдрүүдэд хийж, хавар, намрын хуурайшилтын улиралд ногоон бүсэд зөвшөөрөлгүй аялал, зугаалга, ажил үйлчилгээ явуулж, байгалийн дагалдах баялагийг ашиглахыг хориглох, хулгайгаар мод бэлтгэх явдлыг таслан зогсоох, аж ахуйн нэгж байгууллага, иргэдийн хамтын ажиллагааг сайжруулах, ой, хээрийн түймэртэй тэмцэх ажлыг эрчимжүүлэх зорилгоор оршин суугчдаар БАТАЛГАА гаргууллаа. Тус баталгааг зөрчсөн тохиолдолд аж ахуйн нэгж байгууллага, иргэнд холбогдох хууль тогтоомжийн дагуу арга хэмжээ авахыг анхаарууллаа. Тус арга хэмжээг дүүргийн Онцгой байдлын хэлтэс, Цагдаагийн 2 дугаар хэлтэс, 24, 25 дугаар хорооны ажлын алба хамтран зохион байгууллаа.