Видео

Сонгинохайрхан дүүргийн сагсан бөмбөгийн аварга шалгаруулах “Униварсиад – III” тэмцээн энэ сарын 2-ны өдөр “Ирээдүй” цогцолбор сургуулийн спорт зааланд болж өнгөрлөө.

 

Тус тэмцээнд дүүргийн нутаг дэвсгэрт үйл ажиллагаа явуулдаг их дээд сургуулийн оюутнууд оролцож эрэгтэйчүүдээс  “Ач” дээд сургуулийн баг шилдэг нь байж түрүүлэн, хоёрдугаар байрт “Чингис СООСЭ” дээд сургууль, гуравдугаар байрт “Мандах бүртгэл” дээд сургуулийн баг тамирчид шалгарчээ. Харин эмэгтэйчүүдийн төрөлд “Чингис СООСЭ” дээд сургуулийн баг тэргүүн байр эзэлж “Мандах”, ”Ач” дээд сургуулийн тамирчид тус тус удааллаа. 

 

СХД-ийн 7 дугаар хорооны Иргэдийн Нийтийн Хурлын 2 дугаар хуралдаан 2013 оны 03 дугаар сарын 10-ны Ням гарагт 67 дугаар сургуулийн хурлын зааланд болж Нийтийн зар мэдээ түгээх журам, Иргэний танхимын журам, Хорооны дүрэм, Хорооны Иргэдийн Нийтийн Хурлын үлгэрчилсэн журмуудыг батлав. 

 

Тус хуралд дүүргийн Нийгмийн бодлогын асуудал хариуцсан орлогч дарга Н.Ганаа, Хурлын Ажлын албаны дарга М.Зундуйдаваа, 7 дугаар хорооны засаг дарга Н.Оюунчимэг ИНХ-ын дарга Л.Чимэдлхам нар оролцлоо. 

 

Монгол цэргийн өдөр, Зэвсэгт хүчний 92 жилийн ойг тохиолдуулан Сонгинохайрхан дүүргийн Засаг даргын тамгын газрын Цэргийн штабаас Ерөнхий боловсролын сургуулийн ахлах ангийн сурагчдын дунд спортын “Дөл” наадмыг зохион байгуулав.

 

Зэвсэгт хүчний 013-р ангид зохиогдсон тус тэмцээнд 13 сургуулийн 140 гаруй сурагч оролцож гранат шидэлт, эмнэлгийн анхан шатны тусламж, батлан хамгаалах хууль тогтоомжийн сорилгын шалгалт зэрэг найман төрлөөр өрсөлдсөн. Жил бүр уламжлал болгон зохион байгуулагддаг тус арга хэмжээ нь хүүхэд залууст цэрэг эх оронч хүмүүжил төлөвшүүлэх, тэсвэр хатуужил олгох ач холбогдолтой юм. Тэмцээний дүн гарахад гуравдугаар байранд 9-р сургуулийн Д.Пүрэвдорж ахлагчтай баг, хоёрдугаар байранд Д.Балдан ахлагчтай 67-р сургуулийн баг орж, М.Лхагвадэмбэрэл ахлагчтай 105-р сургуулийн хамт олон тэргүүн байрыг эзлэн шилжин явах цом, нийслэлийн хэмжээнд зохиогдох “Дөл” тэмцээнд оролцох эрхийн эзэд болов. 

Дүүргийн Засаг дарга иргэд хөдөлмөрчидтэй уулзах хуваарийн дагуу 3 дугаар сарын 7-ны өдрийн уулзалтаар Баянгол дүүргийн иргэн Э.Ууганбаатар, 29-р хорооны иргэн Д.Тогтохбаяр, 20-р хорооны иргэн Ч.Отгон, 29-р хорооны иргэн С.Мягмардаш, 9-р хорооны иргэн Б.Цэцэгмаа, 3-р хорооны иргэн Т.Алтанхуяг, 25-р хорооны иргэн Р.Алтанзаяа, 4-р хорооны иргэн О.Алтанчимэг нарыг хүлээн авсан. Эдгээр иргэд мод суулгац үржүүлэг болон дүүргийн тохижилтын тал дээр хамтран ажиллах, хүүхдийн тоглоомын талбайтай болгох, гэр олгох, “Алдарт эх”-ийн одон авах зэрэг олон санал хүсэлтийг Засаг даргад хэлжээ. Эдгээрийн дотор хэд хэдэн иргэн дүүргийн тохижилтын ажилд гар бие оролцож хамтран ажиллах саналтай байгаагаа хэлэв.

 

Мөн 29-р хорооны иргэн С.Мягмардаш өөрийн санаачилгаар зохион байгуулж буй “Арван нэг дэх хавраа үдье” арга хэмжээг дэмжих хүсэлт гаргасанд дүүргийн Засаг дарга М.Чинболдын зүгээс 450 мянган төгрөгийн мөнгөн тусламж үзүүлэхээр болсон.

Уулзалт бүрт дүүргийн Засаг дарга М.Чинболд иргэдийн саналаар аливаа асуудлыг шийддэг цаг ирснийг хэлж, асуудал бүрийг шийдвэрлэхэд дэмжин ажиллана гэдгээ илэрхийлж байлаа. 

 

Дүүргийн Засаг дарга М.Чинболдын санаачилгаар Засаг даргын тамгын газрын ажилтнуудын олон нийттэй харилцах харилцаа, төрийн албан хаагчийн ёс зүй, бичиг баримтын стандартын талаарх мэдлэгийг дээшлүүлэх зорилгоор сургалт зохион байгууллаа.

 

Сургалтаар МУБИС-ийн багш Н.Мягмарцоож “Төрийн бодлогын үйл явц дахь иргэдийн оролцоо”, МУБИС-ын багш О.Мягмар “Олон нийттэй харилцах харилцааны сэтгэл зүй”, Удирдлагын академийн багш Ч.Санжмятав “Төрийн албан хаагчийн манлайлал ба ёс зүй”, УИХ-ын Тамгын газрын референт А.Пүрэвсүрэн “Баримт бичгийн стандарт”, УИХ-ын Тамгын газрын референт Д.Бадамноров “Баримт бичгийг хэл зүй, найруулга зүйн дүрэм баримтлан боловсруулах” сэдвээр тус тус хичээл заав. 

 

Шууд ардчилал – Иргэдийн оролцоо”-гоор дамжуулан төвлөрлийг сааруулж, төрийн үйл хэрэгт иргэдийн оролцоо, хяналтыг нэмэгдүүлэх, авилга, хүнд суртал зэрэг сөрөг үзэгдлүүдтэй тэмцэх, ардчиллыг улам бүр гүнзгийрүүлэн бэхжүүлэх талаар

 

Монгол улсын Ерөнхийлөгчийн санаачлага, Монгол төрийн бодлогыг дэмжин Нийслэлийн Иргэдийн Төлөөлөгчдийн Хурал, Засаг Даргын Тамгын Газраас хэрэгжүүлж байгаа олон төсөл, арга хэмжээний нэг нь Улаанбаатар Хотын Нийтийн Ахуй Үйлчилгээг Сайжруулах Төсөлтэй хамтран хэрэгжүүлж буй “Хорооны Иргэний Танхим” төсөл юм.

Дээрх төслийн хүрээнд бусад хороодоос анх удаа Сонгинохайрхан дүүргийн 7-р хороо “Иргэний Танхим”-тай болж, өнөөдөр албан ёсоор нээлтэй хийлээ. Нээлтийн ёслолын ажиллагаанд НИТХ-ын дарга Д.Баттулга, НИТХ-ын Тэргүүлэгчдийн Нарийн бичгийн дарга бөгөөд Хурлын Ажлын албаны дарга Б.Энхболд  СХД-ийн ИТХ-ын дарга Х. Нямбаатар болон тус дүүргээс сонгогдсон  НИТХ-ын төлөөлөгчид оролцсон. Нээлтийн үйл ажиллагаанд оролцсон тус хорооны иргэд ч нийслэлийн удирдлагуудад дуу хоолойгоо илэрхийлэх бүрэн боломж бий болж байгаад талархалтай хандаж байгаагаа илэрхийлж байлаа.

Иргэдийн Төлөөлөгчдийн Хурлын Тэргүүлэгчдийн тавдугаар хуралдаан 2013 оны 02 дугаар сарын 20-ны өдөр Хурлын даргын өрөөнд болж долоон  асуудлыг хэлэлцэв. 

 

Дүүргийн Иргэдийн Төлөөлөгчдийн  Хурлын 4 дүгээр хуралдааны товыг зарлаж, хэлэлцэх асуудлыг баталж, улмаар Төлөөлөгчдөд урамшуулал олгох журам, дүүргийн Иргэдийн  Төлөөлөгчдийн Хурлын  ажлын албанд мөрдөх  дотоод журам, “Иргэний танхим”-ын үйл ажиллагаанд мөрдөх журам зэрэг захирамжлалын   баримт  бичгүүдийг батлалаа. Мөн “Татварын орлогыг нэмэгдүүлэх хөтөлбөр” боловсруулах ,  тус дүүргийн  20 дугаар хорооны  Сонгинохайрхан уулын зүүн бэлийн ашиглагдсан  карьеруудын ойр орчмын газарт холбогдох хууль тогтоомжийн хэрэгжилтийг шалгаж дүгнэлт гаргах ажлын хэсгүүдийг  тус тус томилон ажиллуулах төрийн дээд цол, одон медалиар шагнуулахаар 51 хүний хүсэлтийг уламжлах зэрэг асуудлуудыг хэлэлцэж шийдвэрлэлээ. 

Сонгинохайрхан дүүргийн Засаг даргаас болон ИТХ-ын даргаас хамтын ажиллагаатай БНХАУ-ын Хөлөнбуйр хотын Хайлаар дүүргийн удирдлагууд, ард иргэдэд илгээсэн сар шинийн мэндчилгээний хариу иржээ.

 

Уг мэндчилгээг бүрэн эхээр нь хүргэж байна. Монгол Улсын Улаанбаатар хотын Сонгинохайрхан дүүргийн Иргэдийн Төлөөлөгчдийн Хурлын дарга Х.Нямбаатар, Засаг дарга М.Чинболд танаа Юуны өмнө Сар шинийн мэнд хүргэсэнд талархал илэрхийлж та бүхэнд болон танай дүүргийн нийт иргэдэд гарч буй Могой жилдээ энх тунх байж, ажил хөдөлмөрийн өндөр амжилт гаргахыг хүсэн ерөөе.

Мөн Сонгинохайрхан дүүргийн Иргэдийн Төлөөлөгчдийн Хурлын даргаар томилогдсон ноён Х.Нямбаатар, Засаг даргаар томилогдсон ноён М.Чинболд нарт баяр хүргэж , ажил хөдөлмөрийн өндөр амжилт хүсэн ерөөе. Өнгөрч буй 2012 он Сонгинохайрхан дүүрэг, Хайлаар дүүргийн найрамдалт хамтын ажиллагааны түүхэнд нэгэн шинэ хуудас нээсэн жил болсныг тэмдэглэхэд таатай байна. Энэ онд манай хоёр дүүрэг олон жилийн уламжлалт харилцаа, хамтын ажиллагаанд үндэслэн Засаг даргын тамгын газар хоорондын хамтын ажиллагааны гэрээнд гарын үсэг зурж баталгаажуулан цаашдын хамтын ажиллагааны эрх зүйн орчинг бий болгож, харилцан ашигтай түншлэн ажиллах шинэ боломжийг нээсэн. Бид бүхний итгэл үнэмшил, хамтын зүтгэлийн үр дүнд хоёр дүүргийн хамтын ажиллагаа салбар бүрт үргэлжлэн өргөжиж, манай хоёр орны ирээдүйн хөгжилд ихээхэн хувь нэмэр оруулна гэдэгт итгэлтэй байна. Хүндэтгэсэн:

Хайлаар дүүргийн намын хорооны дарга Жан Юү Зюнь Ардын Төлөөлөгчдийн Хурлын төлөөлөгч Бао Сью Мин

 

Сар бүрийн эхний өдөр их цэвэрлэгээтэй Орчны бохирдлыг багасгах, халдварт өвчнөөс урьдчилан сэргийлэх зорилгоор сар бүрийн 1-ний өдрийг Их цэвэрлэгээний өдөр болгон хэвшүүлэх үүрэг даалгаврыг Эрүүл мэндийн яамнаас бүх шатны Засаг дарга нарт өглөө.

 

Энэ удаагийн Их цэвэрлэгээг хавар болж байгаатай холбогдуулан харьяа нутаг дэвсгэрийн гудамж, талбай, гуу жалганд хуримтлагдсан хур хогийг цэвэрлэх, мал амьтны сэг, зэмийг зайлуулах арга хэмжээг зохион байгуулахаар боллоо.

Мөн хог хаягдлын цэг, нийтийн бие засах газар, цэвэрлэх байгууламж, бохирын цооногийг стандарт, эрүүл ахуйн хэм хэмжээний дагуу шинэчлэх, халдваргүйтгэх, шавьжгүйтгэх ажлыг зохион байгуулж, унд, ахуйн хэрэглээний усны эх булаг, ус түгээгүүрийн шугам сүлжээ, ус нөөцлөх сан, шахуургын станц, ус түгээх байранд холбогдох дүрмийн дагуу хамгаалалтын бүс тогтоож, бохирдолтоос хамгаалах зэрэг арга хэмжээг зохион байгуулж, хэрэгжилтэд хяналт тавих болов. Үүнээс гадна сум, дүүрэг, хороо, баг бүрт ариун цэврийн сайн дурын идэвхтэнг ажиллуулж, тэднийг урамшуулах ажлыг зохион байгуулах юм.

Энэ сарын 24- ний өдөр дүүргийн нийт иргэдийн дунд “Эрүүл мэндэд иргэн таны оролцоо” сэдэвт нээлттэй хэлэлцүүлгийг өрнүүллээ. “Соёмбо” кинотеатрт болсон тус арга хэмжээнд Эрүүл мэндийн сайд Н.Удвал, дүүргийн Засаг дарга М.Чинболд нар оролцсон.

 

Шинэчлэлийн Засгийн газрын үйл ажиллагаанд иргэдийн саналыг тусгах, иргэн төвтэй нийгмийг төлөвшүүлэх зорилготой тус хэлэлцүүлэгт хүн амын эрүүл мэндийн асуудал зөвхөн эрүүл мэндийн байгууллагын асуудал бус иргэн бүрийн оролцоо чухал, хороо, дүүргийн зүгээс иргэдийн эрүүл мэнд хамгаалалд хэрхэн оролцох талаар нээлттэй хэлэлцлээ. Иргэдийн зүгээс олон санал, санаачлага хэлж байсны ихэнх нь Өрхийн эрүүл мэндийн төвтэй холбоотой асуудал байлаа Тухайлбал, ӨЭМТ-ийн байрыг томосгох, машинтай болгох, цус болон шээсний шинжилгээний тоног төхөөрөмжтэй болгох зэрэг байв.