Нийслэлийн Ерөнхий боловсролын сургуулийн ахлах  ангийн сурагчдад цэрэг эх оронч үзэл, хүмүүжил олгох, эх орноороо бахархах үзлийг төлөвшүүлэх, тэдэнд бие бялдар, сэтгэл зүйн бэлтгэл, тэвчээр хатуужил олгох, ирээдүйн мэргэжлээ зөв сонгоход дэмжлэг үзүүлэх Зэвсэгт хүчний залгамж халааг бэлтгэх зорилгоор нийслэлийн Засаг даргын 2019 оны А/178 дугаар захирамжаар цэрэг-спортын “Дөл” цогцолбор тэмцээний хоёрдугаар шатны шалгаруулалтыг Үндэсний батлан хамгаалахын их сургуулийн материаллаг баазыг түшиглэн энэ сарын 19-ны өдөр зохион байгууллаа.

Тэмцээний 2 дугаар шатанд Эрдмийн ундраа цогцолбор сургуулийн “Соёмбо” тасаг, Ерөнхий боловсролын 79 дүгээр сургуулийн “Соёмбо” тасаг, Ерөнхий боловсролын 65 дугаар сургуулийн “Соёмбо” тасаг, Сүхбаатар дүүргийн Ерөнхий боловсролын 3 дугаар сургуулийн “Алтан-Од” тасаг, Хан-Уул дүүргийн Ерөнхий боловсролын 26 дугаар сургуулийн “Сүлд” тасаг, Чингэлтэй дүүргийн  Ерөнхий боловсролын 5 дугаар сургуулийн “ Хар сүлд” тасаг,Багануур дүүргийн Боловсрол цогцолбор сургуулийн “Соёмбо” тасаг ,Налайх дүүргийн Ерөнхий боловсролын 103 дугаар сургуулийн “Чандмань” тасаг,  Багахангай дүүргийн Хангай цогцолбор сургуулийн “Жигүүр” тасаг тус тус оролцон хурд, хүч, тэсвэр хатуужил, авхаалж самбаагаа сорин өрсөлдлөө.

Тэмцээний нийлбэр дүнгээр “ТЭРГҮҮН БАЙР” Сонгинохайрхан дүүргийн ерөнхий боловсролын 65 дугаар сургуулийн “Соёмбо” тасаг шалгарч цом, алтан медаль, өргөмжлөл, мөнгөн шагнал; “ДЭД БАЙР” Чингэлтэй дүүргийн Ерөнхий боловсролын 78 дугаар сургуулийн “ Харсүлд” тасаг шалгарч мөнгөн медаль, өргөмжлөл, мөнгөн шагнал; “ГУТГААР БАЙР” Баянгол дүүргийн Эрдмийн ундраа цогцолбор сургуулийн “Соёмбо” тасаг хүрэл медаль, өргөмжлөл, мөнгөн шагнал; “ТУСГАЙ БАЙР” 29,04 оноогоор Багануур дүүргийн Боловсрол цогцолбор сургуулийн “Соёмбо” тасаг шалгарч өргөмжлөл, мөнгөн шагналаар тус тус  шагнагдлаа.

Сонгинохайрхан дүүргийн Жендэрийн салбар хороо, дүүргийн жендэрийн дэд хөтөлбөр боловсруулах ажлын хэсэг хуралдлаа.  Уулзалтад жендэрийн үндэсний хорооноос мэргэжил арга зүйн дэмжлэг өгч ажиллалаа.

     СХД-ийн Засаг даргын тамгийн газар, Эрүүл орчин-Зөв ахуй ТББ-аас СХД-ийн иргэдэд гэр байшингаа өөрсдөө дулаалах, эрүүл орчин зөв ахуйн талаар сургалт явууллаа. Тус сургалтыг СХД-ийн иргэн, агаар, ус, хөрс, хүнсний аюулгүй байдлыг бууруулах чиглэлээр 10 гаруй жил ажилласан С.Энхтайван удирдан зохион байгуулж иргэд идэвхтэй оролцлоо. Тус сургалтын зорилго нь иргэд монгол гэр болон байшингаа анхнаасаа барихдаа эрдэмтдийн багийн зөвлөсөн аргачлалыг нарийн мэдсэнээр ахуй орчиндоо дулаан болон түлээ нүүрс тог захилгаан хэмнэх өндөр ач холбогдолтой гэдгийг иргэдэд танилцууллаа. 

https://www.todnews.mn/?p=29959 

 

 

Монголын хүүхдийн спортын VI их наадмын Сонгинохайрхан дүүргийн өсвөр үеийн аварга шалгаруулах 3х3 сагсан бөмбөгийн тэмцээн 2019 оны 04 дүгээр сарын 15-ний өдөр зохион байгуулагдлаа. Тус тэмцээнд 14 байгууллагын эрэгтэй, эмэгтэй 28 багын 112 тамирчин өрсөлдөж дүнгээ гаргалаа.

Байгууллагын нэгдсэн дүнгээр:

1-р байрт Д.Энхбаатар дасгалжуулагчтай 62-р сургууль

2-р байрт Х.Эрдэнэбат дасгалжуулагчтай 107-р сургууль

3-р байрт Ж.Энхбаатар дасгалжуулагчтай 12-р сургуулийн баг тамирчид шалгарлаа.

Он гарсаар улсын хэмжээнд  нийт 768 удаагийн объектын гал түймэр гарч, түймрийн улмаас 11 хүн амь насаа алджээ. Үүний 9 нь том хүн, 2 нь хүүхэд байна.  Түймрийн шалтгаан нөхцлийн дийлэнх хувь нь айл, өрхүүдэд ашиглагдаж байгаа пийшин, зуухны гэмтэл, хэт галлагаа, ил задгай асгасан цогтой үнс нурам, хараа хяналтгүй орхисон бага насны хүүхэд, иргэдийн болгоомжгүй үйл ажиллагаа, зориулалтын бус цахилгааны утасны ашиглалт, цахилгаан хэлхээний хэт ачаалал зэргээс үүдэж байна.

Сонгинохайрхан дүүргийн Тохижилт цэвэрлэгээ үйлчилгээ ОНӨААТҮГ өнөөдөр хог тээвэр, цэвэрлэгээний үйл ажиллагаа явуулдаг 18 хорооныхондоо энэ оны 1-р улирлын тайлангаа тавилаа.

            Тайлан уулзалтад ТЦҮ ОНӨААТҮГ-ын ажилтан албан хаагчид болон хороодын Засаг дарга, олон нийтийн байцаагчдаас гадна Татварын байцаагчид оролцлоо.

“Залуучуудын хөгжлийг дэмжих” дэд хөтөлбөрийн хүрээнд Сонгинохайрханчууд “Мянган залуу-Мянган санаа” төслийг хэрэгжүүлж байна. Залуучуудыг бие даан төсөл бичих аргачлалд сургах, амжилттай суралцагчдыг олон улсын болон улс, орон нутгийн томоохон төсөлд  хамруулж, ажлын байраар хангах, шилдэг, шинэ санал санаачилга гаргасан төслүүдийг дэмжих зорилготой уг төсөл өнгөрсөн 1-р сараас эхэлсэн.

 Нийгмийн хөгжлийн хэлтэс, Гэр бүл, хүүхэд, залуучуудын хөгжлийн хэлтэс, Залуучуудын хөгжлийн төвөөс хамтран хэрэгжүүлж буй төсөлд эхний ээлжинд 1-р сард 100 залууг сургалтад хамруулж гэрчилгээ олгосон юм.

Харин 2-р сард “Бичил төсөл”-ийн үйл ажиллагааг дүүргийн ЗДТГ, Дэлхийн Зөн Монгол ОУБ, ГБХЗХХ, ЗХТ-үүд хамтран зохион байгуулсан. “Бичил төсөл”-ийн үйл ажиллагааны зорилго нь дүүргийн иргэдийг орон нутгийн хүүхдийн сайн сайхан байдалд хувь нэмэр оруулахад чиглэсэн төсөл бичих аргачлалд сургах, иргэдийг оролцоогоор нь хөгжүүлж, дэмжих, санхүүжүүлэх юм. Энэхүү үйл ажиллагааг ДЗОУБ-ын Сонгинохайрхан дүүргийн хөтөлбөрөөс дэмжин, шалгарсан төслийг 3000 хүртэлх доллароор санхүүжүүлэх бөгөөд өнөөдөр уг төслийн 4 дэх сургалт боллоо.  

 

 

 

     Ерөнхий боловсролын сургуулийн Уран хөдөлгөөнт гимнастикийн тэмцээн 2019 оны 04 дүгээр сарын 10-ны өдөр спорт цогцолборт бага, дунд, ахлах насны ангиллаар зохион байгуулагдаж, 18 байгууллагын 466 өсвөрийн гимнастикчид өрсөлдөж дүнгээ гаргалаа.

 

Бага насны ангилалд:

 

1-р байрт А.Хажиддулам дасгалжуулагчтай 134-р бага сургуулийн баг тамирчид

 

2-р байрт Т.Цэрэн дасгалжуулагчтай Ирээдүй цогцолбор 1-р бага сургуулийн 2 дугаар баг баг тамирчид

 

3-р байрт Р.Алтанхуяг дасгалжуулагчтай 106-р сургуулийн баг тамирчид

 

Тусгай байрт Ж.Гантогтох дасгалжуулагчтай 9-р сургуулийн баг тамирчид

 

Дунд насны ангилалд: 

 

1-р байрт Ц.Ганбаатар дасгалжуулагчтай Ирээдүй цогцолбор 2-р дунд сургуулийн баг тамирчид 

 

2-р байрт Б.Энхтуяа дасгалжуулагчтай Ирээдүй цогцолбор 1-р ахлах сургуулийн баг тамирчид 

 

3-р байрт Р.Алтанхуяг дасгалжуулагчтай 106-р сургуулийн баг тамирчид

 

Тусгай байрт Д.Моломдорж, Ц.Батхүү дасгалжуулагчтай Ирээдүй цогцолбор 1-р дунд сургуулийн баг тамирчид тус тус шалгарч цом, алт, мөнгө, хүрэл медаль, диплом, өргөмжлөл, мөнгөн шагналаар шагнагдлаа.

     Сонгинохайрхан дүүргийн гамшгийн үед ТҮР ЦУГЛАРАХ ТАЛБАЙ, ХОРОГДОХ БАЙРНЫ БАЙРШИЛ болон дүүргийн нутаг дэвсгэрт байрлах Дуут дохиоллын цамхагиийн байршлын мэдээлэл.

Энэ сарын 24-26-ны хооронд нийслэлийн хэмжээнд Гамшгаас хамгаалах иж бүрэн сургуулилт болно. Үүний хүрээнд дүүргийн иргэд дээрх байршлуудыг мэдэж байх нь чухал. Иргэн та Дуут дохиоллын мэдээллийг сонсмогцоо ТҮР ЦУГЛАРАХ ТАЛБАЙ, ХОРГОДОХ БАЙРНЫ өөрт ойр хэсэгт очиж аюул ослоос өөрийн болон бусдын амь насыг аврах, бусдад мэдээлэл түгээх хэрэгтэй юм.  

“Ирээдүй цогцолбор” сургуулийн 82-р сургуулийн 9-р ангийн 5 бүлгийн нийт 145 хүүхдэд охидын шивнээ, хөвгүүдийн нууц, сэтгэлзүйн зөвлөгөө, эрүүл мэнд, үе тэнгийнхний яриа зэрэг таван өртөөгөөр охид, хөвгүүдийн эрүүл мэнд, гэр бүл төлөвлөлт, БЗДХ, өсвөр насныхны сэтгэлзүйн онцлог, тулгамдсан асуудлын талаар бүлгийн ярилцлага өрнүүлэн мэдлэг хүргэлээ.

Арга хэмжээнд Сонгинохайрхан дүүргийн эрүүл мэндийн төвийн ХТҮХЗ Ц.Бүтэмж, АШТҮХЗ Ш.Золзаяа, НҮЭМЗ Т.Энхтайван, Сэтгэлзүйч Б.Оюунбилэг, ЭМНА Х.Хэрлэн, БЗДХ/ХДХВ/ДОХ-ын эмч П.Гэрэл нар оролцлоо.