“Иргэн бүр эрсдэлгүй орчинд” сарын аян зарлагдлаа. Уг аяны хүрээнд Сонгинохайрхан дүүрэг дэх Мэргэжлийн хяналтын хэлтсийн даргын баталсан хөтөлбөрийн дагуу “Мах, махан  бүтээгдэхүүний үйлдвэрт илэрч буй нийтлэг зөрчил дутагдал, цаашид анхаарах асуудал” сэдэвт сургалтыг мал эмнэлэг, хүнсний чанар стандарт, нийгмийн хамгааллын хяналтын улсын байцаагчид хамтран зохион байгуулсан юм.Энэ дагуу Сонгинохайрхан дүүргийн 32-р хороо Эмээлтэд байршилтай мах, махан бүтээгдэхүүн боловсруулах үйлдвэрийн  дотоод хяналтын ажилтан, малын их эмч, ажилчдыг оролцуулан зохион байгуулав. Ингэснээр үйлдвэрлэлийн шат дараалал, дотоодын хяналтын үйл ажиллагаанд тавих хяналт, шаардлага сайжрах ач холбогдолтой юм.

Сонгинохайрхан дүүрэг дэх мэргэжлийн хяналтын хэлтсээс Нийслэлийн мэргэжлийн хяналтын газрын баталсан 2020 оны 02-01/388 дугаартай удирдамжийн хүрээнд “Амин эрдэнэ”, “Жаргалант яргуй”, ”Номт орбит” цэцэрлэгүүдийн үйл ажиллагаанд хяналт шалгалт хийлээ. Шалгалтаар тус газрууд нь боловсролын стандарт, сургалтын байгууллагад тавигдах шаардлагыг зөрчсөн зөрчлийг илрүүлсэн юм.Зөрчлийн тухай хуулийн холбогдох заалтын дагуу торгуулийн арга хэмжээг авч ажиллалаа.

 

Авлигатай тэмцэх газрын 2020 оны 10 дугаар сарын 08-ны өдрийн 03/11200 тоот зөвлөмжийн хүрээнд төрийн үйлчилгээг иргэдэд үзүүлэхдээ авлига, ашиг сонирхлын зөрчлөөс урьдчилан сэргийлэх, хүнд сурталтай төрийн үйлчилгээ, ёс зүйн зөрчлийг таслан зогсоох, “Төрийн захиргааны болон үйлчилгээний албан хаагчийн ёс зүйн дүрмийг мөрдөж ажиллуулах, албан хаагчдын ёс зүйн хандлагыг дээшлүүлэх зорилгоор тус сургалтыг 10 дугаар сарын 20, 21-ний өдрүүдэд хороодын зохион байгуулагч,  нийгмийн ажилтнуудыг хамруулан зохион байгууллаа.

Төрийн албан хаагчийн ёс зүй, Төрийн албан хаагчийн дүр төрх, харилцаа хандлага 2 дэд сэдвийн хүрээнд нийслэлийн Засаг даргын Тамгын газрын Сургалт, судалгааны төвтэй хамтран амжилттай болж өндөрлөлөө. Цаашид энэ чиглэлийн соён гэгээрүүлэх ажлыг системтэйгээр зохион байгуулах, төрийн үйлчилгээ авч буй иргэдээс үйлчилгээний чанар хүртээмж, албан хаагчдын ёс зүйн хандлагын талаар санал асуулга авч, энэ талаар дүн мэдээг цаашдын арга хэмжээнд тусгаж ажиллахаар төлөвлөж байна.

Сонгинохайрхан дүүргийн Иргэдийн төлөөлөгчдийн хурал, #Замын цагдаагийн хэлтсээс дүүргийн нутаг дэвсгэрт #осол_ихээр гарч байгаа #авто_зам, #явган_хүний_гарц дээр аюулгүй байдлыг ханган #нойр_сэргээгчтэй_халтиргаа_гулгаанаас хамгаалах #термо_пластик хэвтээ тэмдэглэл байршуулан хөдөлгөөний аюулгүй байдлыг ханган ажиллаж байна.

 #УИХ-ын гишүүн Б.Жаргалмаа

Сайжруулсан шахмал түлшний нөөцлөлт болон борлуулалтын цэгийг нэмэгдүүлэх талаар иргэдээс ирүүлсэн санал, хүсэлтийн дагуу Нийслэлийн агаарын бохирдолтой тэмцэх газраас нийслэлийн хэмжээнд зохион байгуулж хэрэгжүүлж буй ажлыг тодрууллаа. Дүүргийн хэмжээнд 133 цэг гэрээ байгуулснаас 79 цэг нь хэвийн үйл ажиллагаагаа явуулж байна. Цаашид 200 өрх тутамд 1 борлуулалтын цэг байгууллахаар төлөвлөн ажиллаж байна. Дүүргийн хэмжээнд Түлшний зориулалтаар 16 агуулахын эзэмшигчтэй гэрээ байгуулж 24.1 мянган тонн түлшийг нөөцлөн, нөөцийг нэмэгдүүлэхээр ажиллаж байгаа юм байна.

“Дэд бүтцийн хөгжил Сонгинохайрхан төслийн гэр хорооллыг гэрэлтүүлэх “Бүрэн гэрэлтүүлэгтэй Сонгинохайрхан” нээлтийн ажиллагаа өнөөдөр боллоо. Энэ төслийн хүрээнд 7000 гэрлийг Сонгинохайрхан дүүргийн 31 хороонд суурилуулах юм. Ингэснээр Сонгинохайрхан дүүрэг бүтэн гэрэлтэнэ. Энэ нь иргэдийн аюулгүй, тав тухтай орчинд амьдрах нөхцөлд олон дэвшил авч ирэх ач холбогдолтой билээ. Энэ ажлыг улс, нийслэлийн төсвийн хөрөнгө болон Австрийн Засгийн газрын санхүүжилтээр шийдвэрлэж байна.

Дүүргийн Засаг даргын А/441 дүгээр захирамжаар Нийслэлийн өдрийг угтсан бүх нийтийн их цэвэрлэгээг 10 дугаар сарын 10, 11-ний өдрүүдэд зохион байгууллаа. Их цэвэрлэгээнд 2359 аж ахуйн нэгж байгууллага, 12849 иргэд оролцож 228672 м.кв талбайг цэвэрлэн 157 рейсээр 881тн хог хаягдлыг тээвэрлэн Нарангийн төвлөрсөн цэгт хүргэсэн.

Иргэдээс ирүүлсэн гомдлын дагуу Сонгинохайрхан дүүргийн 14 дүгээр хороо, Цамбагарав орчимд үйл ажиллагаа явуулж буй караоке баарнуудад дүүргийн цагдаагийн 3 дугаар хэлтэстэй хамтран шөнийн шалгалт хийлээ.

Шалгалтаар Цэ трейд ХХК-ийн Цагаан дэглий караоке баар, Пром сервис ХХК-ийн Фреш караоке баар нь эрүүл ахуйн болон стандартын шаардлага хангахгүй, тус хорооны 16, 17 дугаар байртай ойр байрладгаас оройн цагаар оршин суугчдын амгалан тайван алдагдуулж байна.

Иймд оршин суугчдын амгалан тайван байдал алдагдуулж буй караоке баарны архи, согтууруулах ундаагаар үйлчлэх тусгай зөвшөөрлийг цуцлах саналыг Нийслэлийн захирагчийн ажлын албанд хүргүүлээд байна.

     Дүүргийн Архивын тасгаас Нийслэлийн архивын газартай хамтран Цахим нөхөн бүрдүүлэлт, арга зүй сэдэвт сургалтыг Ирээдүй цогцолбор сургуулийн Багш хөгжлийн төвд зохион байгуулав.Сургалтад дүүргийн 120 гаруй байгууллагын архив,албан хэрэг хөтлөлтийн ажилтнууд оролцож захирамжлалын баримтын цахим нөхөн бүрдүүлэлт, албан хэрэг хөтлөлтийн явцад тоон гарын үсэг ашиглах талаар сургалт авч сонирхсон асуултаа чөлөөтэй тавьж харилцан ярилцсан нь үр дүнтэй боллоо. Сургалтад  Дүүргийн Засаг даргын Тамгын газрын дарга Д.Төмөрбаатар оролцож үүрэг,чиглэл өгч Цахим нөхөн бүрдүүлэлтээ амжилттай хийсэн байгууллагуудад Батламж гардуулав.

Сонгинохайрхан дүүргийн ИТХ-ын 2020 оны сонгуульд нэр дэвшигчид

Энд дарж үзнэ үү