“Тохижилт цэвэрлэгээ үйлчилгээ” ОНӨААТҮГ нь дүүргийнхээ эрүүл аюулгүй, цэвэр цэмцгэр орчныг бүрдүүлэхийн төлөө халдвар хамгааллын дэглэмээ чанд сахин ажилласаар л байна.

Өнөөдөр дүүргийн хэмжээнд нийтийн эзэмшлийн зам талбайд 92 хүний бүрэлдэхүүнтэйгээр 20,6 км авто зам, 31090 м.кв явган зам, 39750 м.кв авто зогсоолуудын талбайн халтиргаа гулгаа, цас мөсийг бүрэн цэвэрлэх ажлыг зохион байгуулж,  хог тээврийн 3 автомашин 15 рейсээр 42,8 тн цэвэрлэсэн цас мөсийг Нарангийн төвлөрсөн цэгт хүргэлээ.

Өнөөдөр “Дэлхийн сайн санаат хүмүүс” ТББ-ын төлөөлөл Сонгинохайрхан дүүрэгт зочиллоо. Уулзалтын үеэр нэн шаардлагатай 120 өрхөд хайрцагтай хүнсний багц, 50 хайрцагтай 4 улирлын дулаан хувцсыг Сонгинохайрхан дүүргийн удирдлагад гардууллаа.

Цаашид хамтын ажиллагааны хүрээнд дараа дараагийн тусламжийг нарийн судалгаатайгаар зорилтот бүлгийн иргэдэд хүргэхээр боллоо.

 

 

Өнөөдөр Өнөр хорооллын арын авто замууд, гэр хорооллын туслах авто зам, Толгойт чиглэлийн нийтийн эзэмшлийн авто замуудад нийт 2,5 тн тусгай зориулалтын бодис цацаж автомашинуудын зорчих хэсгийн замын хөдөлгөөний аюулгүй байдлыг ханган ажиллалаа.

Нийтийн эзэмшлийн зам талбайд 130 зам талбайн үйлчлэгч ажиллаж, 887950 м.квт зам талбайн цас мөс, хог хаягдлын цэвэрлэгээ үйлчилгээний ажлыг хийж гүйцэтгэлээ.

“World Share” ОУТББ-тай хамтран СOVID-19 цар тахлын үед сайжруулсан түлш иргэдэд олгох төслийн хүрээнд Сонгинохайрхан дүүргийн 12 хорооны 135 өрхөд тусламж үзүүллээ.

Хүнд үед тусалж дэмжсэн “World share” ОУТББ-д баярлалаа.

Улаанбаатар хотын шалган нэвтрүүлэх товчоодын цаана байрладаг буюу Сонгинохайрхан дүүргийн 21, 32-р хорооны оршин суугчид болон тухайн хороонд үйл ажиллагаа явуулж буй аж ахуйн нэгж байгууллагын ажилтан, албан хаагчид шалган нэвтрүүлэх товчоодоор нэвтрэхдээ заавал PCR шинжилгээ өгөх шаардлагагүй боллоо. Харин дээрх хороодын иргэд иргэний зорчих хөдөлгөөнийг хянах qr.ulaanbaatar.mn системд иргэний үнэмлэхний qr кодыг уншуулж нэвтрэх юм. “Зайлшгүй хот руу нэвтрэх шаардлагатай иргэд оршин суудаг хорооны шуурхай штабт хүсэлтээ гаргаж бүртгүүлснээр товчоодоор орж гарах эрх нь нээгдэх юм. Иргэд тухайн хороон дээр бүртгүүлэхдээ өөрийн зорчдог хувийн автомашины дугаарыг бүртгүүлж QR үүсгэж болно. Ингэснээр заавал иргэний үнэмлэхээ уншуулах шаардлагагүйгээр автомашины QR кодыг уншуулж зорчиж болно гэсэн үг.  Харин нийтийн тээврээр зорчигчид биедээ иргэний үнэмлэхээ зайлшгүй авч явах шаардлагатай. Авто тээврийн шалган нэвтрүүлэх товчоон дээр ажиллаж буй цагдаа, онцгой байдал, мэргэжлийн хяналтын алба хаагчид өөрсдийн гар утсаараа иргэдийн иргэний үнэмлэхний qr кодыг уншуулж хяналт тавигдах юм.

Коронавируст “Ковид-19” цар тахлын үед эмнэлгийн тусламж үйлчилгээг сайжруулах үүднээс нийслэлийн дүүргүүдэд PCR шинжилгээ хийх молекул биологийн лаборатори байгуулагдаж байна.

Энэ хүрээнд Сонгинохайрхан дүүргийн Эрүүл мэндийн төвийн 3 дугаар салбар амбулаторид молекул биологийн лабораторитой боллоо.

Тус лаборатори нь 24 цагийн хугацаанд 300-1,200 хүнд PCR шинжилгээ хийх хүчин чадалтай бөгөөд дүүргийн иргэдийг цаг алдалгүй шинжилгээнд хамруулж, “Ковид-19” халдварыг тандах, илрүүлэх боломжтой болсноор шаардлагатай тохиолдолд хариу арга хэмжээ авах, эмнэлгийн тусламж үйлчилгээг шуурхай үзүүлэх боломж бүрдэж байна.

Коронавируст “Ковид-19” халдвараас гадна томуу, сүрьеэ, бэлгийн замаар дамжих халдвар, элэгний В, С вирус зэрэг бусад халдварт өвчний шинжилгээг хийх хүчин чадалтай.

Улс даяар мал тооллого эхэллээ. Сонгинохайрхан дүүрэг нь мал бүхий хороодтой гэдгээрээ онцлогтой. Энэ жил тус дүүргийн 21, 32, 33, 34-р хороонд нийт 41 чиглэлд мал тооллого явагдаж байна. Урьдчилсан дүнгээр 70 мянган толгой мал Сонгинохайрхан дүүрэгт өвөлжиж байна. Мал тооллогын ажлын явцтай Сонгинохайрхан дүүргийн Засаг дарга Н.Алтаншагай, Засаг даргын орлогч Э.Ууганцэцэг нар танилцлаа. Энэ үеэр малчид “Өвс, тэжээлийн бэлтгэлээ сайтар хангасан ч цаг уурын нөхцөлөөс шалтгаалж, эрт малаа тэжээлд оруулсан. Одоогоор өвөлжөө өнтэй сайхан байна” гэж байлаа. Мөн малчдад “Малын хөлийн татварын тухай хуулийн талаар мэдээ, мэдээллийг дүүргийн Хөдөө аж ахуйн тасгийн дарга С.Мижиддорж  өглөө. Дүүргийн онцгой комиссын өгсөн зөвлөмжийн дагуу, мал тооллогын комиссын гишүүд Ковид-19 цар тахлаас урьдчилсан сэргийлэх зөвлөмжийг баримтлан ажиллаж байна. 

Энэ удаагийн хуралдаанаар дараах асуудлуудыг хэлэлцэн батлах юм.
-Сонгинохайрхан дүүргийн Засаг даргын 2020-2024 оны үйл ажиллагааны хөтөлбөрийг батлах тухай
-Сонгинохайрхан дүүргийн 2021 оны төсөв батлах тухай
-Сонгинохайрхан дүүргийн 2020 оны газар зохион байгуулалтын төлөвлөгөөний биелэлтийг дүгнэж, 2021 оны газар зохион байгуулалтын төлөвлөгөөг батлах тухай
Хуралдаан 100 хувийн ирцтэй эхэллээ.

Холбоо барих, Хаяг:

Монгол улс, Улаанбаатар хот

Сонгинохайрхан дүүрэг, Баянголын-1        

70173203

Хариуцсан ажилтан, албан хаагч:

Бичиг хэргийн эрхлэгч:

П.Баярмаа

70170118 

           

Иргэдийн санал хүсэлт, өргөдөл гомдол:

М.Мөнхцэцэг

70173201

Сайтын хандалт:

Өнөөдөр
1222
Өчигдөр
2824
Энэ 7 хоногт
10576
Энэ Сард
45647
Бүгд
2334464