Дүүргийн хороодын Засаг дарга нарын шуурхай зөвлөгөөн өнөөдөр /2021.08.10/ хуралдлаа. Хурлыг дүүргийн Засаг даргын Тамгын газрын дарга Д.Төмөрбаатар удирдан явуулав. Тус хуралд хороодын Засаг дарга нараас гадна дүүргийн хэлтэс, албадын дарга нар хамт оролцож цаг үеийн асуудлаар санал, солилцлоо.
Энэ үеэр дүүргийн Эрүүл мэндийн төвийн дарга Ч.Өнөрсайхан “Covid-19” халдварт өвчний цаг үеийн нөхцөл байдал болон хичээлийн шинэ жил эхлэхтэй холбоотой дархлаажуулалтын талаарх мэдээллийг өгөв.
Мөн хороодын хог тээвэрлэлтийн талаарх санал хүсэлт, тулгамдаж буй нийтлэг асуудал, хог тээвэрлэлтийг энгийн горимд оруулах зэрэг асуудлуудыг хэлэлцлээ.
